Balakrishna Kajal Agarwal Sathyabhama Trailer : చంద‌మామ కాజల్ అగర్వాల్ నటించిన మూవీ సత్యభామ. సుమన్ చిక్కాల దర్శకుడు. కాజల్ పోలీస్ ఆఫీస‌ర్‌గా నటించగా నవీన్ చంద్ర కీలక పాత్ర పోషించారు. క్రైమ్ సస్పెన్స్గా తెరకెక్కిన ఈ సినిమా జూన్ 7న రిలీజ్ కానున్న సందర్భంగా ట్రైలర్ను రిలీజ్ చేశారు మేకర్స్. ఈ ట్రైలర్ లాంఛ్ ఈవెంట్కు నందమూరి నటసింహం బాలకృష్ణ చీఫ్ గెస్ట్గా విచ్చేసి సినిమాపై ప్రశంసలు కురిపించారు.
కెమెరామెన్ అవ్వాలనుకున్నాను - "అందరికీ నమస్కారం. ప్రచారాలు పూర్తవ్వగానే షూటింగ్ మొదలు పెడదామని వచ్చాను. కానీ అది షురూ కాలేదు. ఏదేమైనా ఈ 50 రోజులు కెమెరాను మిస్ అయ్యాను. ఇప్పుడది ఈ ఫంక్షన్ ద్వారా తీరింది. సత్యభామ పేరుకు చాలా గొప్ప చరిత్ర ఉంది. సినిమాలో యాక్షన్, స్టంట్స్ అన్నీ బాగున్నాయి. సినిమాకు సంబంధించి అన్నీ విభాగాలు బాగున్నాయి. వాస్తవానికి మొదట్లో కెమెరామెన్ కావాలనుకున్నాను. అన్నీ క్రాఫ్ట్స్పై అవగాహన ఉండాలనుకున్నాను." అని పేర్కొన్నారు.
ఓ ఫైర్ బ్రాండ్ - "కాజల్ అగర్వాల్ ఓ ఫైర్ బ్రాండ్. 16 సంవత్సరాల్లో ఎన్నో పాత్రలు చేసింది. మధ్యలో గ్యాప్ తీసుకుంది మళ్లీ కమ్ బ్యాక్ కూడా ఇచ్చింది. బిడ్డను కని తిరిగి ఇండస్ట్రీకి వచ్చింది. సమపాళ్లలో అన్నింటికీ న్యాయం చేసింది. మా భగవంత్ కేసరిని ఒప్పుకున్నందుకు తనకు ధన్యావాదాలు. తన సినిమాలను మొదటి నుంచి చూస్తున్నాను. ఆమె డెడికేషన్ ఉన్న నటి." అని అన్నారు.
ఆ అదృష్టం నాకు దక్కింది - "మా నాన్న అన్నీ పాత్రలు చేశారు. ఒక్క నారథుని పాత్ర చేయలేదు. కానీ ఆ అదృష్టం నాకు దక్కింది. క్రమశిక్షణ అనేది రామారావుగారితోనే మొదలైంది. వారసులు అంటే కేవలం ఆయన గురించి చెప్పుకోవడం కాదు. ఆయన వేసిన బాటను అందరం ఆచరిస్తున్నామా లేదా అనుకోవాలి. ఇక్కడున్న వారందరూ క్రమశిక్షణ పాటిస్తున్నారు తెలుగు చిత్రరంగం ఇండియావైడ్గా టాప్లో ఉంది. మంచి మంచి సినిమాలు ఇంకా రావాలి. చిత్రసీమను ప్రోత్సాహిస్తున్న ప్రేక్షకుల దేవుళ్లకు ధన్యావాదాలు. సినిమా విజయం సాధిస్తుందని ఆశిస్తున్నాను." అని స్పీచ్ను ముగించారు.
కాగా, సత్యభామ సినిమాను అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి నిర్మించారు. ప్రకాశ్ రాజ్, నాగినీడు, హర్షవర్ధన్ తదితరులు ముఖ్య పాత్రలు పోషించారు.
