Avantika Vandanapu Hollywood Movie OTT :ప్రతివారం ఓటీటీలోకి సరికొత్త కంటెంట్ సినిమా సిరీస్లు వస్తుంటాయి. టాలీవుడ్, బాలీవుడ్, హాలీవుడ్ అని తేడాలు లేకుండా ఎన్నో భాషల సినిమాలు సందడి చేస్తుంటాయి. అలా ఈ మధ్య కొరియన్, జపనీస్ సిరీస్లకు కూడా ప్రేక్షకులు బ్రహ్మారథం పట్టేస్తున్నారు. అయితే తాజాగా ఓ ఆసక్తికరమైన హాలీవుడ్ సినిమా ఓటీటీలోకి వచ్చేసింది. ఇక్కడ మరో ఇంట్రెస్టింగ్ విషయం కూడా ఉంది. అదేంటంటే ఆ చిత్రంలో లీడ్ రోల్లో నటించిన వారిలో ఓ తెలుగు నటి కూడా ఉంది. ఆమె ఇక్కడ ఒకప్పటి చైల్డ్ ఆర్టిస్ట్. సూపర్ స్టార్ మహేశ్ బాబు సినిమాలోనూ నటించింది. అవును మీరు చదివింది నిజమే. ఆమెకు సంబంధించిన డాన్స్లు, వీడియోలు కూడా సోషల్ మీడియాలో తెగ వైరల్ అవుతుంటాయి. ఆ అమ్మాయి మరెవరో కాదు అవంతిక వందనపు. ఇప్పుడు ఆమె నటించిన హాలీవుడ్ మూవీనే ఓటీటీలోకి వచ్చింది.
అవంతిక వందనపు ఈ పేరు గత కొద్ది రోజుల ముందుకు పెద్దగా ఎవరికి తెలీదు. అయితే ఈమె ఒకప్పుడు మహేశ్ బాబు సినిమాలో చైల్డ్ ఆర్టిస్ట్గా చేసింది. సూపర్ స్టార్ అభిమానిగా మహేశ్ను ఇంటర్వ్యూ చేసి అప్పట్లో అందరి దృష్టిని ఆకర్షించింది. పలు యాడ్స్లో నటించి పాపులర్ కూడా అయింది.ఆ తర్వాత ఏ తెలుగు సినిమాలోనూ కనిపించలేదు. ఇక ఆమెను అందరూ మర్చిపోయారు.