Vettaiyan Movie Review Dhanush : సూపర్ స్టార్ రజనీ కాంత్ నటించిన లేటెస్ట్ మూవీ వేట్టాయన్. టి.జె.జ్ఞానవేల్‌ తెరకెక్కించారు. తాజాగా ఈ చిత్రం ప్రేక్షకుల ముందుకు వచ్చి మంచి టాక్ దక్కించుకుంది. ఫ్యాన్స్ సినిమా బాగుంది అంటూ అంటూ రివ్యూలు ఇస్తున్నారు. ఈ నేపథ్యంలోనే అభిమానులతో కలిసి చెన్నైలోని ఓ థియేటర్లో హీరో ధనుష్‌ కూడా వేట్టాయన్ సినిమాను వీక్షించారు. ఇదే థియేటర్లో రజనీ కాంత్ కుటుంబ సభ్యులు కూడా సందడి చేశారు. రజనీ కాంత్ సతీమణి లత, కుమార్తెలు ఐశ్వర్య, సౌందర్య ఇదే థియేటర్లలో సినిమా చూసినట్లు తెలిసింది. ప్రస్తుతం దీనికి సంబంధించిన పలు ఫొటోలు, వీడియోలు సోషల్ మీడియాలో వైరల్గా మారాయి. ఐశ్వర్య, ధనుష్‌ ఒకే థియేటర్లో సినిమా చూడటంపై ఫ్యాన్స్ హర్షం వ్యక్తం చేస్తున్నారు. విడిపోయిన వారిద్దరూ మళ్లీ తిరిగి కలిస్తే బాగుండని ఆశిస్తున్నారు.
కాగా, హీరో ధనుష్‌కు రజనీ కాంత్ అంటే ఎంతో ఇష్టమో తెలిసిన విషయమే. పలు సందర్భాల్లో ఈ విషయాన్ని తెలియజేశారు. 2004లో రజనీ కాంత్ కుమార్తె ఐశ్వర్యను ధనుష్‌ పెళ్లి చేసుకున్నారు. కానీ వ్యక్తిగత కారణాల కారణంగా పరస్పర అంగీకారంతో విడిపోవాలనుకుంటున్నట్లు తెలిపారు. అలా ఈ జంట 2022లో విడిపోతున్నట్లు ప్రకటించింది. ఈ క్రమంలోనే విడాకుల కోసం న్యాయస్థానాన్ని కూడా ఆశ్రయించింది. కానీ రీసెంట్గా జరిగిన జరిగిన విచారణకు ఈ జంట హాజరు కాలేదు. దీంతో న్యాయస్థానం మరో రోజుకు విచారణ వాయిదా వేసింది.