Anchor UdayaBhanu Balakrishna :టాలీవుడ్ హీరో బాలకృష్ణ అంటే ఆయన ఫ్యాన్స్కే కాదు, ఇండస్ట్రీలో చాలా మందికి ఎంతో గౌరవం. అందుకు కారణం బాలకృష్ణ ఇండస్ట్రిలో ఏ స్థాయి వారినైనా సమానంగా ట్రీట్ చేస్తూ ఉండటమే అని చాలా మంది చెప్పటం ఇప్పటికే చూశాం. ఇదే విషయాన్ని అప్పట్లో టీవిలో ఒక డాన్స్ షోకు యాంకర్గా చేస్తున్న ఉదయభాను కూడా చెప్పారు! అయితే బాలయ్య పెట్టిన ఆ మెసేజ్ను తలుచుకుని బాగా ఎమోషనల్ అయ్యారు. ప్రస్తుతం దీనికి సంబంధించిన వీడియో యూట్యాబ్లో చక్కర్లు కొడుతోంది.
"ఒక ఆడపిల్లగా నా జీవితంలో ఎలాంటి సరదాలు లేవు. అయితే నా వాళ్లు అందరూ నాకు దూరమవడం నాకు దేవుడి మీద నమ్మకం కోల్పోయేలా చేసింది. కానీ మళ్లీ ఆ దేవుడే నాకు ఒకరు కాదు ఇద్దరు పిల్లల్ని ఇచ్చాడు. నా జీవితంలో మొదటి పండగ వాళ్లిద్దరి మొదటి పుట్టినరోజు. నేను నాకు తెలిసిన చాలామందికి ఫోన్ చేశాను. ఎవ్వరూ రెస్పాండ్ కాలేదు. బాలకృష్ణ గారికి ఇలా పుట్టినరోజని మెసేజ్ పెట్టాను. కాసేపటి తర్వాత ఆయన కాల్ బ్యాక్ చేశారు. ఫలానా రోజు రాత్రి ఏడున్నర గంటలకు అని చెప్పగానే అనంతపురంలో మీటింగ్ ఉంది పర్లేదు రాత్రి ట్రావెల్ చేస్తాను అన్నారు. అలా ఆయన మా పిల్లల పుట్టినరోజుకు రావడం నాకు సింహం అలా నడిచి వచ్చినట్టు అనిపించింది. అయితే ఏదో వచ్చాం అన్నట్టు కాకుండా దాదాపు 45 నిమిషాలు ఉండి అందరితో ఫోటోలు దిగి వెళ్లారు. హ్యాట్స్ ఆఫ్ బాలయ్య. జై బాలయ్య" అంటూ ఎమోషనల్ అయ్యారు యాంకర్ ఉదయభాను.