Allu Arjun Pushpa 3 The Rampage : ఐకాన్ స్టార్ అల్లు అర్జున్ నటించిన 'పుష్ప 2' మరో రెండు రోజుల్లో బాక్సాఫీస్ ముందుకు రానుంది. డిసెంబర్ 5న థియేటర్లలో భారీ స్థాయిలో రిలీజ్ కానుంది. దర్శకుడు సుకుమార్ పాన్ ఇండియా రేంజ్లో భారీ బడ్జెట్తో దీన్ని తెరకెక్కించారు.
అయితే ఈ చిత్రానికి కొనసాగింపుగా 'పుష్ప 3' ఉంటుందని ఎప్పటి నుంచో టాక్ నడుస్తోన్న సంగతి తెలిసిందే. ఇప్పుడు దాన్ని నిజం చేస్తూ తాజాగా ఓ ఫొటో అఫీషియల్గా బయటకు వచ్చింది. 'పుష్ప 2'కు సౌండ్‌ ఇంజినీర్‌గా ఆస్కార్‌ అవార్డు విజేత, రసూల్‌ పూకుట్టి పని చేశారు. అయితే తాజాగా ఆయన తన టీమ్‌తో కలిసి దిగిన ఫొటో వెనక 'పుష్ప 3' అనే టైటిల్ రాసి ఉంది. పుష్ప 3 : ది ర్యాంపేజ్ (Pushpa3: The Rampage) అని ఉంది. దీంతో ఇప్పుడు పార్ట్‌ - 2 చివరిలో మూడో భాగానికి సంబంధించి హింట్ ఇవ్వబోతున్నారని తెలుస్తోంది.
పైగా కొద్ది రోజుల కిందట కూడా బెర్లిన్‌ ఫిల్మ్ ఫెస్టివల్లో అల్లు అర్జున్ కూడా పుష్ప 3 ఉంటుందని తెలిపారు. దీంతో ఇప్పుడు పుష్ప 2 క్లైమాక్స్‌లో మూడో భాగానికి లీడ్‌ ఇస్తూ కొన్ని సీన్స్ను చూపించనున్నట్లు తెలుస్తోంది. అయితే రెండు, మూడేళ్ల తర్వాతే మూడో భాగానికి అవకాశం ఉంటుందని టాక్ నడుస్తోంది. ఎందుకంటే ఓ వైపు సుకుమార్, మరోవైపు అల్లు అర్జున్ ఇతర వేరే కమిట్‌మెంట్స్తో బిజీగా ఉండనున్నారు. అవి పూర్తి అవ్వడానికి కచ్చితంగా మరో రెండేళ్లు పడుతుంది. అంటే ఈ లెక్కన అప్పుడు మూడో భాగానికి సంబంధించిన పనులు ప్రారంభం అవ్వొచ్చు.