ఇండియన్ నేవీలో 254 ఆఫీసర్ పోస్టులు - దరఖాస్తు చేసుకోండిలా!

Indian Navy Jobs 2024 : భారత నౌకాదళంలో చేరి దేశానికి సేవలు అందించాలని ఆశించే అభ్యర్థులు అందరికీ గుడ్ న్యూస్​. ఇండియన్ నేవీ 254 ఎస్​ఎస్​సీ ఆఫీసర్ పోస్టుల భర్తీ కోసం నోటిఫికేషన్ విడుదల చేసింది. విద్యార్హతలు, వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం.

Indian Navy Jobs 2024 : ఇండియన్ నేవీ 254 షార్ట్​ సర్వీస్​ కమిషన్​ (ఎస్​ఎస్​సీ) ఆఫీసర్ పోస్టుల భర్తీ కోసం నోటిఫికేషన్ విడుదల చేసింది. ఎంపికైన అభ్యర్థులు కేరళ రాష్ట్రం ఎజిమలలోని ఇండియన్ నేవల్ అకాడమీలో చేరాల్సి ఉంటుంది. అవివాహిత స్త్రీలు, పురుషులు ఈ పోస్టులకు అర్హులు.

పోస్టుల వివరాలు

• జనరల్ సర్వీస్​ - 50 పోస్టులు
• పైలట్​ - 20 పోస్టులు
• నావల్​ ఎయిర్​ ఆపరేషన్స్​ ఆఫీసర్ - 18 పోస్టులు
• ఎయిర్ ట్రాఫిక్​ కంట్రోలర్​ - 8 పోస్టులు
• లాజిస్టిక్స్ - 30 పోస్టులు
• నావల్ ఆర్మమెంట్ ఇన్​స్పెక్టరేట్​ కేడర్ - 10 పోస్టులు
• ఎడ్యుకేషన్​ - 18 పోస్టులు
• ఇంజినీరింగ్ బ్రాంచ్ (జనరల్​ సర్వీస్) - 30 పోస్టులు
• ఎలక్ట్రికల్ బ్రాంచ్​ (జనరల్ సర్వీస్​) - 50 పోస్టులు
• నావల్​ కన్​స్ట్రక్టర్​ - 20 పోస్టులు
• మొత్తం పోస్టులు - 254

విద్యార్హతలు
Indian Navy Job Qualifications :అభ్యర్థులు ఆయా పోస్టులకు అనుగుణంగా బీఈ, బీటెక్​, ఎంబీఏ, ఎంసీఏ, పీజీ డిప్లొమాలు చేసి ఉండాలి. అలాగే నిర్దిష్ట శారీరక ప్రమాణాలతో సహా మెడికల్ ఫిట్​నెస్​ కలిగి ఉండాలి.

వయోపరిమితి
Indian Navy Job Age Limit :అభ్యర్థుల వయస్సు ఆయా పోస్టులను బట్టి మారుతూ ఉంటుంది. అందువల్ల పూర్తి వివరాల కోసం అధికారిక నోటిఫికేషన్ చూడండి.

దరఖాస్తు రుసుము
Indian Navy Job Application Fee :అభ్యర్థులు అప్లికేషన్ ఫీజు చెల్లించాల్సిన అవసరం లేదు.

ఎంపిక విధానం
Indian Navy Job Selection Process :అకడమిక్ ఎడ్యుకేషన్​లో సాధించిన మార్కుల ఆధారంగా అభ్యర్థులను షార్ట్ లిస్ట్ చేస్తారు. తరువాత వారికి ఇంటర్వ్యూ నిర్వహిస్తారు. ఇందులో క్వాలిఫై అయిన అభ్యర్థులకు డాక్యుమెంట్ వెరిఫికేషన్​, మెడికల్ ఎగ్జామినేషన్ చేసి, అర్హత కలిగినవారిని ఆయా పోస్టులకు ఎంపిక చేస్తారు.

జీతభత్యాలు
Indian Navy Job Salary :ఎస్​ఎస్​సీ ఆఫీసర్ పోస్టులకు ఎంపికైన వారికి ప్రారంభ వేతనం నెలకు రూ.56,100 ఉంటుంది. ఇతర అలవెన్సులు కూడా ఇస్తారు.

దరఖాస్తు విధానం
Indian Navy Application Process :

• అభ్యర్థులు ముందుగా ఇండియన్ నేవీ అధికారిక వెబ్​సైట్​ https://www.joinindiannavy.gov.in/ ఓపెన్ చేయాలి.
• ఎస్​ఎస్​సీ ఆఫీసర్​ అప్లై లింక్​పై క్లిక్ చేయాలి.
• దరఖాస్తు ఫారమ్​లో మీ వ్యక్తిగత, విద్యార్హతల వివరాలు నమోదు చేయాలి.
• అవసరమైన అన్ని పత్రాలు అప్లోడ్ చేయాలి.
• అన్ని వివరాలు మరోసారి చెక్​చేసుకుని, అప్లికేషన్​ను సబ్మిట్ చేయాలి.
• భవిష్యత్​ రిఫరెన్స్ కోసం అప్లికేషన్​ ప్రింట్​అవుట్​ను భద్రపరుచుకోవాలి.

ముఖ్యమైన తేదీలు
Indian Navy Job Apply Last Date :

• దరఖాస్తులు స్వీకరణ ప్రారంభ తేదీ :2024 ఫిబ్రవరి 24
• దరఖాస్తుకు ఆఖరు తేదీ : 2024 మార్చి 10