Top 8 Cars Launching In August 2024 :భారతదేశంలో కార్లకు భారీగా డిమాండ్ పెరుగుతున్న నేపథ్యంలో, ప్రముఖ ఆటోమొబైల్ కంపెనీలు అన్నీ లేటెస్ట్ టెక్నాలజీతో, అడ్వాన్స్డ్, మోడ్రన్ వెహికల్స్ను మార్కెట్లోకి తెచ్చేందుకు ప్రయత్నిస్తున్నాయి. వాటిలో ఈ ఆగస్టు నెలలో ఇండియన్ మార్కెట్లోకి వస్తున్న టాప్-8 కార్ల గురించి ఇప్పుడు తెలుసుకుందాం.
1. Mahindra Thar Roxx
మహీంద్రా కంపెనీ ఆగస్టు 15న 'థార్ రోక్స్' ఎస్యూవీని భారత మార్కెట్లోకి తేనుంది. ఈ 5-డోర్ వెర్షన్ కారు పూర్తిగా రగ్గడ్, బోల్డ్ డిజైన్తో వస్తుంది. దీనిలో సర్క్యులర్ హెడ్ల్యాప్స్ - ఎల్ఈడీ ప్రొజక్టర్స్తో, C-షేప్డ్ డీఆర్ఎల్స్తో ఉంటాయి. ఈ కారు సిల్వర్ బంపర్తో, డైమండ్-కట్ అల్లాయ్ వీల్స్తో వస్తుంది.
ఈ మహీంద్రా థార్ రోక్స్ కారు 2.2 లీటర్ డీజిల్ ఇంజిన్, 2.0 లీటర్ టర్బో పెట్రోల్ ఇంజిన్ ఆప్షన్లతో వస్తుంది. ఇవి ఆటోమేటిక్/ మాన్యువల్ ట్రాన్స్మిషన్తో పనిచేస్తాయి. ఈ 5 సీటర్ కారులో 10.25 అంగుళాల టచ్స్క్రీన్ ఇన్ఫోటైన్మెంట్ సిస్టమ్, డిజిటల్ ఇన్స్ట్రుమెంట్ క్లస్టర్, ఆటోమేట్ క్లైమేట్ కంట్రోల్ ఉన్నాయి. ఇంకా దీనిలో రెండు ట్వీటర్స్, 4 స్పీకర్లు ఉంటాయి. ఇది యాపిల్ కార్ప్లే, ఆండ్రాయిడ్ ఆటోలకు సపోర్ట్ చేస్తుంది.
2. Citroen Basalt
ఆగస్టులో మార్కెట్లోకి రానున్న బెస్ట్ మోడల్ 'సిట్రోయెన్ బసాల్ట్'. ఈ కూపే ఎస్యూవీ కారు - నేరుగా టాటా కర్వ్తో పోటీ పడనుంది. ఈ సిట్రోయెన్ బసాల్ట్ చూడడానికి సీ3, సీ3 ఎయిర్క్రాస్లాగా ఉంటుంది.
ఈ సిట్రోయెన్ బసాల్ట్లో 1.2 లీటర్, 3-సిలిండర్ టర్బో ఛార్జ్డ్ పెట్రోల్ ఇంజిన్ ఉంటుంది. ఇది 110 హెచ్పీ పవర్, 190 ఎన్ఎం టార్క్ జనరేట్ చేస్తుంది. అలాగే ఇది 6 స్పీడ్ మాన్యువల్/ ఆటోమేటిక్ ట్రాన్స్మిషన్తో పనిచేస్తుంది. ఈ కారులో 17 అంగుళాల అల్లాయ్ వీల్స్ ఉంటాయి. దీనిలో క్రూయిజ్ కంట్రోల్, ఆటోమేటిక్ ఎయిర్ కండిషనింగ్, పుష్-బటన్ ఇంజిన్ స్టార్ట్/ స్టాప్, కీలెస్ ఎంట్రీ, 7.2 అంగుళాల డిజిటల్ డ్రైవర్స్ డిస్ప్లే ఉంటాయని సమాచారం. ఈ కారులో ఎలక్ట్రానిక్ స్టెబిలిటీ కంట్రోల్ (ESC), రియర్ పార్కింగ్ కెమెరా, 6 ఎయిర్ బ్యాగ్లు ఉంటాయని తెలుస్తోంది. ఈ సిట్రోయెన్ కారు ప్రారంభ ధర సుమారుగా రూ.10 లక్షలు (ఎక్స్-షోరూం) ఉండవచ్చు.
3. Hyundai Palisade
హ్యుందాయ్ పాలెసేడ్ కారులో వైర్లెస్ ఫోన్ ఛార్జర్, ప్రతి వరుసలోనూ మల్టిపుల్ యూఎస్బీ ఛార్జింగ్ కనెక్షన్స్ ఉంటాయి. అలాగే 12-స్పీకర్ హర్మాన్ కార్డాన్ సౌండ్ సిస్టమ్, బ్లూలింక్ కనెక్టెడ్ కార్ టెక్నాలజీతో 10.25 అంగుళాల టచ్స్క్రీన్ ఇన్ఫోటైన్మెంట్ సిస్టమ్ ఉంటాయని తెలుస్తోంది. ఈ కారులో మూడు వరుసల్లో కలిపి 8 సీట్లు ఉంటాయి.
4. Honda WR-V
హోండా కంపెనీ తీసుకువస్తున్న WR-V కారులో ఆటో ఎయిర్ కండిషనింగ్, పుష్ బటన్ స్టార్ట్/స్టాప్, 7 అంగుళాల టచ్స్క్రీన్, ఆండ్రాయిడ్ ఆటో, యాపిల్ కార్ప్లే ఉంటాయని సమాచారం. సేఫ్టీ ఫీచర్ల విషయానికి వస్తే, దీనిలో ఎలక్ట్రానిక్ స్టెబిలిటీ కంట్రోల్ (ESP), ఏబీఎస్ విత్ ఈబీడీ, ఆరు ఎయిర్బ్యాగ్లు ఉంటాయి.
5. Nissan X-Trail
నిస్సాన్ మోటార్ ఇండియా ఈ ఆగస్టులో X-Trail ఎస్యూవీ లాంఛ్ చేయడానికి సన్నాహాలు చేస్తోంది. పైగా దీని బుకింగ్స్, డెలివరీ కూడా ఆగస్టులోనే ప్రారంభమయ్యే అవకాశం ఉంది. ఈ నిస్సాన్ ఎక్స్-ట్రైల్ కారులో 2184 సీసీ, 4 సిలిండర్, టర్బో-ఛార్జ్డ్, ఇంటర్కూలర్ డీజిల్ ఇంజిన్ ఉంటుంది. ఇది 163 హెచ్పీ పవర్, 300 ఎన్ఎం టార్క్ జనరేట్ చేస్తుందని సమాచారం.
ఈ ఫోర్త్ జనరేషన్ నిస్సాన్ కారు సింగిల్ వేరియంట్లో వస్తుంది. ఈ 7 సీటర్ కారులో 8 అంగుళాల టచ్స్క్రీన్ ఇన్ఫోటైన్మెంట్ సిస్టమ్, యాపిల్ కార్ప్లే, ఆండ్రాయిడ్ ఆటో వైర్లెస్లీ ఉంటాయి. అలాగే 12.3 అంగుళాల పూర్తి డిజిటల్ డ్రైవర్స్ డిస్ప్లే ఉంటుంది. ఇంకా ఈ కారులో వైర్లెస్ ఫోన్ ఛార్జర్, పనోరమిక్ సన్రూఫ్, డ్యూయెల్-జోన్ ఎయిర్ కండిషనింగ్ ఉంటాయని తెలుస్తోంది. వాస్తవానికి ఈ నిస్సాన్ ఎక్స్-ట్రైల్ కారును నిస్సాన్, రెనో కలిసి డెవలప్ చేశాయి. ఈ కారులో స్ల్పిట్ ఎల్ఈడీ హెడ్లైట్ సెటప్, లార్జ్ గ్రిల్ ఉంటాయి. ఈ కారులో 20 అంగుళాల అల్లాయ్ వీల్స్, ఎల్ఈడీ టెయిల్లైట్స్ కూడా ఉంటాయని తెలుస్తోంది.
6. Mercedes-Benz CLE Cabriolet
మెర్సిడీస్-బెంజ్ సీఎల్ఈ కాబ్రియోలెట్ కారును 2023 జులైలో పరిచయం చేశారు. త్వరలోనే దీనిని లాంఛ్ చేయనున్నారు. ఇది కూపే, కన్వర్టిబుల్ స్టైల్స్లో లభిస్తుంది. అయితే ఇండియాలో ఇది కేవలం కన్వర్టిబుల్ స్టైల్లో మాత్రమే లభించనుంది. ఈ సీఎల్ఈ కారు చూడడానికి సీ-క్లాస్ కారులానే ఉంటుంది. ఈ కారులో 2+2 సీటింగ్ లేఅవుట్ ఉంటుంది. క్యాబిన్ విషయానికి వస్తే, దీనిలో 11.9 అంగుళాల పోట్రైట్ స్టైల్ ఇన్ఫోటైన్మెంట్ డిస్ప్లే, ఫుల్లీ డిజిటల్ 12.3 అంగుళాల ఇన్స్ట్రుమెంట్ క్లస్టర్ ఉంటాయి.
ఈ కారు గ్లోబల్గా పలు ఇంజిన్ ఆప్షన్లలతో లభిస్తుంది. ప్రధానంగా రెండు కాన్ఫిగరేషన్లతో 2.0 లీటర్, 4 సిలిండర్ పెట్రోల్ ఇంజిన్; 3.0 లీటర్, 6-సిలిండర్ పెట్రోల్ ఇంజిన్; 2 లీటర్ టర్బో డీజిల్ ఇంజిన్ ఆప్షన్లు ఉంటాయి. వీటిలో ఏ వేరియంట్ను ఇండియాలో లాంఛ్ చేస్తారో చూడాలి.
7. Mercedes-AMG GLC 43 4Matic
మెర్సిడీస్-ఏఎంజీ జీఎల్సీ 43 4 మ్యాటిక్ కారు కూడా త్వరలో లాంఛ్ కానుంది. ఈ కూపే కారు బ్లాక్ ఇంటీరియర్ విత్ నిప్పా లెదర్తో ఉంటుంది. ఈ కారులో స్పోర్టీ బకెట్ సీట్స్, ఏఎంజీ స్పెక్ స్టీరింగ్ వీల్ ఉంటాయి. ఈ కారులోని ఇన్ఫోటైన్మెంట్ సిస్టమ్ సరికొత్త ఎంబీయూఎక్స్ యూఐతో వస్తుంది. ఇంకా ఈ కారులో డిజిటల్ ఇన్స్ట్రుమెంట్ క్లస్టర్, హెచ్యూడీ డిస్ప్లే, ఏఎంజీ ట్రాక్ పేస్ సాఫ్ట్వేర్ ఉంటాయి.
ఈ మెర్సిడీస్ కారులో మైల్డ్-హైబ్రీడ్ 2.0 లీటర్, 4 సిలిండర్, టర్బో ఛార్జ్డ్ పెట్రోల్ ఇంజిన్ ఉంటుంది. ఇది 416 హెచ్పీ పవర్, 500 ఎన్ఎం టార్క్ జనరేట్ చేస్తుంది. ఇది కేవలం 4.7 సెకెన్లలోనే 0-100 కి.మీ వేగాన్ని అందుకుంటుందని, దీని టాప్ స్పీడ్ గంటకు 250 కి.మీ అని కంపెనీ చెబుతోంది. ఈ కారు 9-స్పీడ్ ఆటోమేటిక్ గేర్ బాక్స్ కలిగి ఉంటుంది. అంతేకాదు ఈ మెర్సిడీస్ 4-మ్యాటిక్ ఏడబ్ల్యూడీ సిస్టమ్ విత్ రియర్-వీల్ స్టీరింగ్తో వస్తుంది.
8. Lamborghini Urus SE
ఈ లాంబోర్గినీ ఉరుస్ ఎస్ఈ కారులో చాలా ఇంటీరియర్, ఎక్స్టీరియర్ స్టైలింగ్ అప్డేట్స్ చేశారు. దీనిలోని బోనెట్ను రీడిజైన్ చేశారు. మ్యాట్రిక్స్ టెక్నాలజీతో ఎల్ఈడీ లైట్స్ అమర్చారు. అంతేకాదు దీనిలో కొత్త ఫ్రంట్, రియర్ బంపర్స్, రీడిజైన్డ్ టెయిల్గేట్ పొందుపరిచారు. ఈ కారులో 12.3 అంగుళాల సెంట్రల్ టచ్స్క్రీన్ను కొత్తగా జోడించారు. ఈ కారులో 4.0 లీటర్ ట్విన్ టర్బో వీ8 ఇంజిన్ను అమర్చారు. దీనిలో 25.9 కిలోవాట్స్ సామర్థ్యం కలిగిన లిథియం-ఐయాన్ బ్యాటరీ ప్యాక్ ఉంటుంది. ఈ కారులోని ఎలక్ట్రిక్ మోటార్, 8 స్పీడ్ ఆటోమేటిక్ ట్రాన్స్మిషన్తో అనుసంధానమై పనిచేస్తుంది. ఈ టోటల్ సిస్టమ్ 800 హెచ్పీ పవర్, 950 ఎన్ఎం టార్క్ జనరేట్ చేస్తుంది. ఈ బండి కేవలం ఎలక్ట్రిక్ పవర్తోనే 60 కి.మీ ప్రయాణం చేస్తుందని, దీని టాప్ స్పీడ్ గంటకు 312 కి.మీ అని, ఇది కేవలం 3.4 సెకెన్లలోనే 0-100 కి.మీ వేగాన్ని అందుకుంటుందని కంపెనీ చెబుతోంది.
నోట్ : ఈ కార్ల ధరలను సదరు ఆటోమొబైల్ కంపెనీలు అధికారికంగా ప్రకటించలేదు. పూర్తి వివరాలు లాంఛ్ అయిన తరువాతనే స్పష్టంగా తెలిసే అవకాశం ఉంటుంది.
బిజినెస్‌ కోసం వెహికల్ కొనాలా? సాలిడ్‌గా ఉండాలా? బెస్ట్ ఆప్షన్స్‌ ఇవే! - Best Commercial Vehicles In India
ఆగస్టు 1 నుంచి కొత్త క్రెడిట్ కార్డ్ రూల్స్ - పెరిగిన ఛార్జీలు, ఫీజుల వివరాలు ఇవే! - HDFC Bank Credit Card Rules
