వరుసగా మూడో రోజూ నష్టాలు - బేర్ దెబ్బకు మార్కెట్లు విలవిల! - Stock Market Today April 16th 2024

Stock Market In Bearish Mode Today April 16th 2024 : దేశీయ స్టాక్ మార్కెట్లు వరుసగా మూడో రోజూ భారీ నష్టాలతో ముగిశాయి. సెన్సెక్స్​ 456 పాయింట్లు, నిఫ్టీ 124 మేర నష్టపోయాయి. దీనితో మదుపరులు భారీగా నష్టపోయారు.

Stock Market Close Today April 16th 2024 : దేశీయ స్టాక్ మార్కెట్లు వరుసగా మూడో రోజూ నష్టాలతో ముగిశాయి. ప్రధానంగా ఐటీ స్టాక్స్ భారీగా నష్టపోయాయి. పశ్చిమా దేశాల్లో ఉద్రిక్తతలు పెరుగుతుండడం, అంతర్జాతీయ మార్కెట్ల నుంచి ప్రతికూల సంకేతాలు వస్తుండడమే ఇందుకు కారణం. విదేశీ పెట్టుబడులు తరలివెళ్తుండడం కూడా మదుపరుల సెంటిమెంట్​ను దెబ్బతీసింది.

బొంబాయి స్టాక్​ ఎక్స్ఛేంజి సూచీ సెన్సెక్స్​ 456 పాయింట్లు నష్టపోయి 72,943 వద్ద స్థిరపడింది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 124 పాయింట్లు కోల్పోయి 22,147 వద్ద ముగిసింది.

• లాభపడిన షేర్లు :టైటాన్​, హిందూస్థాన్ యూనిలివర్​, హెచ్​డీఎఫ్​సీ బ్యాంక్​, మారుతి సుజుకి, పవర్​గ్రిడ్​, రిలయన్స్​, ఐటీసీ
• నష్టపోయిన షేర్లు : ఇన్ఫోసిస్​, ఇండస్​ఇండ్​ బ్యాంక్​, విప్రో, బజాజ్​ ఫిన్​సెర్వ్​, హెచ్​సీఎల్​ టెక్​, టెక్ మహీంద్రా, టీసీఎస్, ఎస్​బీఐ

ఆసియా మార్కెట్లు
Asian Markets Today April 16th 2024 :ఏసియన్ మార్కెట్లైన సియోల్​, టోక్యో, హాంకాంగ్, షాంఘై అన్నీ భారీ​ నష్టాలతో ముగిశాయి. యూరోపియన్ మార్కెట్లు కూడా నష్టాలతో కొనసాగుతున్నాయి. సోమవారం యూఎస్ మార్కెట్లు నష్టాలతో ముగిసిన విషయం తెలిసిందే.

ముడిచమురు ధర
Crude Oil Prices April 16th 2024 : అంతర్జాతీయ మార్కెట్​లో ముడిచమురు ధరలు 0.26 శాతం మేర తగ్గాయి. ప్రస్తుతం బ్యారెల్​ క్రూడ్​ ఆయిల్ ధర 89.87 డాలర్లుగా ఉంది.

2.30 PM : ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 505 పాయింట్లు నష్టపోయి 72,894 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 130 పాయింట్లు కోల్పోయి 22,141 వద్ద కొనసాగుతోంది.

12.15 PM : ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 427 పాయింట్లు నష్టపోయి 72,971 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 106 పాయింట్లు కోల్పోయి 22,166 వద్ద కొనసాగుతోంది.

11.30 AM : ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 393 పాయింట్లు నష్టపోయి 73,006 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 82 పాయింట్లు కోల్పోయి 22,190 వద్ద కొనసాగుతోంది.

11.00 AM : ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 347 పాయింట్లు నష్టపోయి 73,052 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 76 పాయింట్లు కోల్పోయి 22,196 వద్ద కొనసాగుతోంది.

Stock Market In Bearish Mode Today April 16th 2024 : మంగళవారం కూడా దేశీయ స్టాక్ మార్కెట్లు భారీ నష్టాలతో కొనసాగుతున్నాయి. దీనితో మదుపరుల సంపద భారీగా ఆవిరవుతోంది. అంతర్జాతీయ మార్కెట్ల నుంచి ప్రతికూల సంకేతాలు రావడం, విదేశీ పెట్టుబడులు తరలి వెళ్తుండడమే ఇందుకు కారణం.

ఊహించిన దానికంటే యూఎస్​ ద్రవ్యోల్బణం భారీగా పెరుగుతోంది. పశ్చిమాసియా దేశాల్లో (ఇరాన్​ Vs ఇజ్రాయెల్​) ఉద్రిక్తతలు రోజురోజుకూ మరింత తీవ్రమవుతున్నాయి. వీటికి తోడు బ్రెంట్ క్రూడ్ ఆయిల్ ధరలు పెరుగుతున్నాయి. ఇవన్నీ ఇన్వెస్టర్ల సెంటిమెంట్‌ను దెబ్బతీస్తున్నాయి.

ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 300 పాయింట్లు నష్టపోయి 73,098 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 74 పాయింట్లు కోల్పోయి 22,198 వద్ద కొనసాగుతోంది.

• లాభాల్లో కొనసాగుతున్న స్టాక్స్​ :టాటా స్టీల్​, మారుతి సుజుకి, టైటాన్​, ఎం అండ్ ఎం, నెస్లే ఇండియా, పవర్​గ్రిడ్​, టాటా మోటార్స్​, ఐటీసీ
• నష్టాల్లో ట్రేడవుతున్న షేర్స్​ :​ఇండస్​ఇండ్​ బ్యాంక్​, బజాజ్​ఫైనాన్స్​, ఇన్ఫోసిస్​, కోటక్ బ్యాంక్​, ఐసీఐసీఐ బ్యాంక్​, టెక్ మహీంద్రా, విప్రో

విదేశీ పెట్టుబడులు
FIIs Investments : స్టాక్ ఎక్స్ఛేంజ్ డేటా ప్రకారం, సోమవారం విదేశీ సంస్థాగత పెట్టుబడిదారులు రూ.3,268 కోట్ల విలువైన ఈక్విటీలను అమ్మేశారు.

ఆసియా మార్కెట్లు
Asian Markets Today April 16th 2024 : ఏసియన్ మార్కెట్లైన సియోల్​, టోక్యో, హాంకాంగ్, షాంఘై అన్నీ భారీ​ నష్టాల్లో కొనసాగుతున్నాయి. సోమవారం యూఎస్ మార్కెట్లు కూడా నష్టాలతో ముగిసిన విషయం తెలిసిందే.

రూపాయి విలువ
Rupee Open March April 16th 2024 :అంతర్జాతీయ మార్కెట్​లో రూపాయి విలువ 8 పైసలు తగ్గింది. ప్రస్తుతం డాలర్​తో పోలిస్తే రూపాయి మారకం విలువ రూ.83.52గా ఉంది.

ముడిచమురు ధర
Crude Oil Prices April 16th 2024 :అంతర్జాతీయ మార్కెట్​లో ముడిచమురు ధరలు 0.58 శాతం మేర పెరిగాయి. ప్రస్తుతం బ్యారెల్​ క్రూడ్​ ఆయిల్ ధర 90.62 డాలర్లుగా ఉంది.