Mukesh Ambani Car Collection :ముకేశ్ అంబానీ - ఈ పేరు గురించి ప్రత్యేకంగా ప‌రిచ‌యం అక్క‌ర్లేదు. జియో, రిల‌య‌న్స్ లాంటి పేర్లు వింటే చాలా ఆటోమేటిక్గా తెలిసిపోతుంది. ఆయన ఆస్తి, వ్యాపారాలు, జీవిత విధానం గురించి ప్రత్యేకంగా చెప్పాల్సిన పనేలేదు. మరి ఈ ఇండియన్ బిలియనీర్ గరాజ్ (Garage)లో ఉన్న కార్లు గురించి మీరు ఎప్పుడైనా విన్నారా?
ముకేశ్ అంబానీ చాలా విలాసవంతమైన జీవితం గ‌డుపుతారు. ముంబ‌యిలో అంబానీ నివాస‌ముండే ఇల్లు 'యాంటిలియా' విలువ దాదాపు 2 బిలియ‌న్ల డాలర్లు వరకు ఉంటుంది. మ‌న ఇండియన్ కరెన్సీలో అయితే చెప్పాలంటే సుమారు రూ.200 కోట్లు. అందులో అన్ని సౌక‌ర్యాలూ ఉంటాయి. ఇంక కార్ల విష‌యం గురించి ప్రత్యేకంగా చెప్పాల్సిన ప‌ని లేదు. అందరి బిలీనియ‌ర్స్ లాగే, అంబానీ అండ్ ఫ్యామిలీ కూడా ల‌గ్జ‌రీ కార్లను చాలా ఇష్ట‌ప‌డుతుంది, ఉప‌యోగిస్తుంది. సూపర్ కార్లను ప్రత్యేకంగా కలెక్ట్ చేస్తుంది కూడా.
స్పెష‌ల్ కలెక్షన్
అంబానీ కారు క‌లెక్ష‌న్స్లో సుమారు 170 ల‌గ్జ‌రీ కార్లు ఉన్నాయి. ఈ క‌లెక్ష‌న్ను ఆయన ఎప్ప‌టిక‌ప్పుడు అప్డేట్ చేస్తూనే ఉంటారు. వీటిని పార్క్ చేయ‌డానికి తన 27 అంతస్తుల భ‌వ‌నంలో ప్రత్యేకంగా ఒక గరాజ్ కూడా ఉంది. ఆటోమొబైల్ ఔత్సాహికులు ఈ గరాజ్ను తరచుగా 'జియో గ్యారేజ్' అని పిలుస్తారు. ఇది ఇండియాలోనే అతి పెద్ద కార్ కలెక్షన్ రూమ్. ఇందులో ఉన్న‌న్ని కార్స్, ప్ర‌పంచ కుబేరుడు ఎలాన్ మస్క్ దగ్గర కూడా లేవంటే అది అతిశ‌యోక్తి కాద‌నే చెప్పాలి.
జియో గరాజ్ ముంబయిలోని అంబానీ కుటుంబానికి చెందిన 27 అంతస్తుల నివాసంలో ఆరో అంతస్తులో ఉంది. ఇందులో అనేక రోల్స్ రాయ‌ల్స్, లంబోర్గినీ, బెంట్లీ, ఫెరారీ లాంటి విలాసవంతమైన కార్ల‌తో పాటు, ఇండియాలో త‌యారైన కార్లు కూడా ఉన్నాయి. అంతెందుకు అంబానీ ఫ్యామిలీ భ‌ద్ర‌తా సిబ్బందే నాలుగు మెర్సిడెస్-AMG G63 కార్లను ఉపయోగిస్తుంటారు. ఇవి అంబానీ కార్ల కాన్వాయ్‌లో తరచూ క‌నిపిస్తూ ఉంటాయి.
ముకేశ్ అంబానీ సూపర్ కార్ కలెక్షన్ :
1. మెర్సిడీస్ - మేబ్యాక్ బెంజ్ ఎస్660 గార్డ్
2. రోల్స్ రాయిస్ ఫాంటమ్ డ్రాప్‌హెడ్ కూపే
3. ఫెరారీ SF90 స్ట్రాడేల్