స్టీల్​ గేట్లు, రెయిలింగ్​పై మరకలా? - ఈ టిప్స్​ పాటిస్తే తుప్పు వదిలిపోయి కొత్తగా మెరుస్తాయి! - Steel Gates Railings Cleaning Tips

Steel Gates Cleaning Tips : ప్రస్తుతం స్టీల్​ వస్తువుల వాడకం ఎక్కువైంది. తినే ప్లేట్ల నుంచి తాగే గ్లాసులు, ఇంటికి రక్షణ అందించే గేట్ల వరకూ వాటినే వాడుతున్నారు. అయితే.. వర్షాకాలంలో స్టీల్​ గేట్లు తుప్పు పడుతుంటాయి. వాటిని ఎంత క్లీన్​ చేసినా ఆ మరకలు ఓ పట్టాన పోవు. అలాంటి సమయంలో ఈ టిప్స్​ పాటిస్తే మరకలు పోయి కొత్త వాటిలా మెరుస్తాయని నిపుణులు అంటున్నారు. అవేంటంటే..

Tips to Clean Stains on Steel Gates and Railings: ఇంటికి క్లాసీ లుక్​ను అందించేందుకు చాలా మంది ఇంటీరియర్​ నుంచి అవుట్​ డోర్​ డెకరేషన్​ వరకు అనేక పద్ధతులు ఫాలో అవుతుంటారు. ఈ క్రమంలోనే ఇంటికి రక్షణ అందించే డోర్​ విషయంలో, అందాన్నిచ్చే బాల్కనీ విషయంలో స్టీల్ గేట్లు, రెయిలింగ్​లను ఏర్పాటు చేసుకుంటుంటారు. అయితే.. ప్రస్తుతం వర్షాకాలం కారణంగా ఈ వర్షాలకు వాటిపై మరకలు ఏర్పడుతుంటాయి. కొన్ని సార్లు తుప్పు పడుతుంటాయి. ఎన్నిసార్లు క్లీన్​ చేసినా వాటిపై మరకలు ఓ పట్టాన పోవు. ఇలాంటి పరిస్థితులలో ఈ టిప్స్​ పాటించడం వల్ల ఇంటి గేట్​, రెయిలింగ్​పై ఉన్న మరకలను తొలగించి వాటిని కొత్తవాటిలా మెరిపించవచ్చని నిపుణులు అంటున్నారు. ఆ టిప్స్​ ఏంటంటే..

బేకింగ్ సోడా: స్టీల్​ రెయిలింగ్‌లు, గేట్లను శుభ్రం చేయడానికి బేకింగ్ సోడా మంచిదని నిపుణులు అంటున్నారు. ఇందుకోసం బేకింగ్ సోడాలో కొన్ని నీటిని కలిపి పేస్ట్​ లాగా చేసి.. దానిని తలుపు, రెయిలింగ్‌పై అప్లై చేసి కాసేపు వదిలివేసి.. ఆ తర్వాత క్లాత్​తో తుడిస్తే మరకలు పోతాయని అంటున్నారు.

2019లో 'జర్నల్ ఆఫ్ క్లీనింగ్ సైన్స్ అండ్ టెక్నాలజీ'లో ప్రచురించిన అధ్యయనం ప్రకారం.. స్టెయిన్‌లెస్ స్టీల్ రెయిలింగ్​ ఉపరితలాలపై కఠినమైన మరకలను తొలగించడంలో బేకింగ్ సోడా సమర్థవంతంగా పనిచేస్తుందని పరిశోధకులు గుర్తించారు. ఈ పరిశోధనలో చైనాలోని నాన్జింగ్ విశ్వవిద్యాలయంలో కెమిస్ట్రీ డిపార్ట్‌మెంట్‌లో ప్రొఫెసర్‌ డాక్టర్ Y. Zhang పాల్గొన్నారు. బేకింగ్ సోడాను ఉపయోగించడం వల్ల స్టెయిన్‌లెస్ స్టీల్ ఉపరితలాలకు ఎటువంటి నష్టం జరగదని పేర్కొన్నారు.

డిష్ వాషింగ్ లిక్విడ్:స్టీల్ రెయిలింగ్‌లు, గేట్‌లను క్లీన్​ చేయడానికి డిష్‌ వాషింగ్ లిక్విడ్‌ కూడా ప్రభావవంతంగా పనిచేస్తుందని నిపుణులు అంటున్నారు. ఇందుకోసం.. డిష్‌ వాషింగ్ లిక్విడ్‌ నీటిలో కలిపి మరకలపై స్ప్రే చేసి.. కొద్దిసేపటి తర్వాత తడి క్లాత్​తో తుడవడం వల్ల.. మరకలన్నీ తొలగిపోయి కొత్తవాటిలా మెరుస్తాయని చెబుతున్నారు.

ఆలివ్ ఆయిల్​:చర్మ సంరక్షణ, జుట్టు సంరక్షణ కోసం ఉపయోగించే ఆలివ్​ ఆయిల్​.. స్టీల్ గేట్లు, రెయిలింగ్‌లపై ఉన్న మొండి మరకలను తొలగించడానికి కూడా సమర్థవంతంగా పనిచేస్తుందని అంటున్నారు. ఇందుకోసం కొద్దిగా ఆలివ్​ ఆయిల్​ తీసుకుని మరకలు ఉన్న చోట అప్లై చేసి కొద్ది సమయం వరకు వదిలేయ్యాలని అంటున్నారు. ఆ తర్వాత వైట్ వెనిగర్ తో శుభ్రం చేస్తే మరకలన్నీ పోతాయని అంటున్నారు.

క్లీనర్ ప్రయత్నించండి:నేచురల్​ పద్ధతుల్లో ట్రై చేసినా తర్వాత కూడా మరకలు పోవడం లేదంటే స్టీల్ గేట్లు, రెయిలింగ్‌లను శుభ్రం చేయడానికి వివిధ బ్రాండ్‌ల క్లీనర్లు మార్కెట్లో అందుబాటులో ఉన్నాయి. ఆ క్లీనర్ల ద్వారా వీటిపై ఉన్న మొండి మరకలను తొలగించుకోవచ్చు.

NOTE :పైన పేర్కొన్న అంశాలు పలువురు నిపుణులు, పరిశోధనల ప్రకారం అందించినవే. వీటిని పాటించడం, పాటించకపోవడం మీ వ్యక్తిగత విషయం.