అజంతా, ఎల్లోరా అందాలను ఆస్వాదించాలనుకుంటున్నారా? - తక్కువ ధరకే IRCTC అద్దిరిపోయే ప్యాకేజీ! - IRCTC Marvels of Maharashtra

IRCTC Maharashtra Package: అజంతా, ఎల్లోరా గుహల అందాలు చూడాలనుకుంటున్నారా? అయితే మీకో గుడ్​న్యూస్​. ఈ ప్రదేశాలను చూసేందుకు ఐఆర్​సీటీసీ టూరిజం అద్దిరిపోయే ప్యాకేజీ తీసుకొచ్చింది. పూర్తి వివరాలు ఇప్పుడు చూద్దాం..

IRCTC Marvels of Maharashtra Package:చూపు తిప్పుకోనివ్వని అందాలు.. అజంతా, ఎల్లోరా గుహల సొంతం. అంతేనా అనేక శిల్ప కళారీతులు ఒకే చోట కనువిందు చేసే ప్రాంతం అది. ఈ అందాలను ఆస్వాదించాలే గానీ వర్ణించడానికి మాటలు సరిపోవు. అందుకే జీవితంలో ఒక్కసారైనా ఆ శిల్ప సౌందర్యాన్ని వీక్షించాలని చాలా మంది భావిస్తుంటారు. మరి మీరు కూడా ఆ లిస్ట్​లో ఉన్నారా? అయితే మీకోసం.. ఇండియన్​ రైల్వే క్యాటరింగ్​ అండ్​ టూరిజం కార్పొరేషన్​ అద్దిరిపోయే ప్యాకేజీ తీసుకొచ్చింది. పూర్తి వివరాలు ఇప్పుడు చూద్దాం..

ఐఆర్​సీటీసీ టూరిజం మార్వెల్స్​ ఆఫ్​ మహారాష్ట్ర​ పేరుతో ఈ ప్యాకేజీ తీసుకొచ్చింది. ఈ ప్యాకేజీ మొత్తం మూడు రాత్రులు, నాలుగు పగళ్లుగా ఉంటుంది. హైదరాబాద్​ నుంచి ట్రైన్​ జర్నీ ద్వారా ఈ టూర్​ ఆపరేట్​ చేస్తున్నారు. ఈ ప్యాకేజీలో భాగంగా ఔరంగాబాద్, ఎల్లోరా, అజంతా ప్రదేశాలు కవర్​ అవుతాయి. ప్రతి శుక్రవారం ఈ ప్యాకేజీ అందుబాటులో ఉంటుంది.

ప్రయాణం ఇలా..

• మొదటి రోజు సాయంత్రం 6:40 గంటలకు కాచిగూడ రైల్వే స్టేషన్​ నుంచి ట్రైన్​(అజంతా ఎక్సెప్రెస్​ - 17064) బయలుదేరుతుంది. రాత్రి మొత్తం ప్రయాణం ఉంటుంది.
• రెండో రోజు తెల్లవారుజామున ఔరంగాబాద్​ రైల్వే స్టేషన్​కు చేరుకుంటారు. అక్కడి నుంచి పికప్​ చేసుకుని ముందుగానే బుక్​ చేసిన హోటల్​కు తీసుకెళ్తారు. బ్రేక్​ఫాస్ట్​ అనంతరం ఎల్లోరా గుహలు సందర్శిస్తారు. అలాగే ఘృష్ణేశ్వర్ టెంపుల్​ని కూడా దర్శించుకుంటారు. సాయంత్రం మినీ తాజ్​మహల్​ విజిట్​ చేస్తారు. రాత్రికి హోటల్​కు చేరుకుని భోజనం చేసి అక్కడే బస చేస్తారు.
• మూడో రోజు బ్రేక్​ఫాస్ట్​ అనంతరం హోటల్​ నుంచి చెక్​ అవుట్​ అయ్యి అజంతా బయలుదేరుతారు. అక్కడ అజంతా గుహలు విజిట్​ చేస్తారు. సాయంత్రం తిరిగి ఔరంగాబాద్​ కు వచ్చి అక్కడి నుంచి రాత్రి 8 గంటలకు రైల్వే స్టేషన్​కు చేరుకుంటారు. రాత్రి 10:45 గంటలకు హైదరాబాద్​కు రిటర్న్​ జర్నీ(ట్రైన్​ నెంబర్​ 17063) స్టార్ట్ అవుతుంది. రాత్రంతా ప్రయాణం ఉంటుంది.
• ​నాలుగో రోజు ఉదయం 10 గంటలకు కాచీగూడ రైల్వే స్టేషన్​కు చేరుకోవడంతో టూర్​ పూర్తవుతుంది.

ధరలు చూస్తే:

• కంఫర్ట్​లో సింగిల్​ షేరింగ్​కు రూ. 22,920, ట్విన్​ షేరింగ్​కు రూ.12,650, ట్రిపుల్​ షేరింగ్​కు రూ.10,050గా నిర్ణయించారు. 5 నుంచి 11 సంవత్సరాల పిల్లలకు విత్​ బెడ్​ అయితే రూ. 8,630, విత్​ అవుట్​ బెడ్​ అయితే రూ.6,890గా నిర్ణయించారు.
• స్టాండర్డ్​లో సింగిల్​ షేరింగ్​కు రూ. 21,440, ట్విన్​ షేరింగ్​కు రూ.11,170, ట్రిపుల్​ షేరింగ్​కు రూ.8,570గా నిర్ణయించారు. 5 నుంచి 11 సంవత్సరాల పిల్లలకు విత్​ బెడ్​ అయితే రూ. 7,150, విత్​ అవుట్​ బెడ్​ అయితే రూ.5,410గా నిర్ణయించారు.

ప్యాకేజీలో అందేవి ఇవే:

• రైలు టికెట్లు (హైదరాబాద్- ఔరంగాబాద్, ఔరంగాబాద్ -హైదరాబాద్)
• అక్కడ లోకల్లో ప్రయాణాలకు ఏసీ వాహన సదుపాయం కల్పిస్తారు.
• అల్పాహారం, రాత్రి భోజనం ప్యాకేజీలో కవర్‌ అవుతాయి.
• ట్రావెల్‌ ఇన్సురెన్స్‌ సదుపాయం ఉంటుంది.
• ప్రస్తుతం ఈ ప్యాకేజీ ఆగస్టు 2 నుంచి సెప్టెంబర్​ 27 వరకు అందుబాటులో ఉంది.
• ఈ ప్యాకేజీ సంబంధించిన పూర్తి వివరాలు, బుకింగ్​ కోసం ఈ లింక్​పై క్లిక్​ చేయండి.