IRCTC Divya Dakshin Yatra with Jyotirlinga:చాలా మందికి దేశంలోని ప్రసిద్ధ దేవాలయాలను దర్శించుకోవాలని ఉంటుంది. అయితే.. అక్కడికి వెళ్లడం ఎలానో తెలియక కొందరు.. ఛార్జీలు ఎక్కువ అవుతాయని ఇంకొందరు.. వెనుకడుగు వేస్తుంటారు. అయితే.. అలాంటి వారికి ఇక టెన్షన్ అక్కర్లేదు. వారి కోసమే.. ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) ఓ ప్యాకేజీ తీసుకొచ్చింది. మరి ఈ టూర్ ఎన్నిరోజులు సాగుతుంది? ఏఏ ప్రదేశాలు చూడొచ్చు? ధర ఎంత వంటి వివరాలు ఈ స్టోరీలో చూద్దాం..
ఐఆర్సీటీసీ "దివ్య దక్షిణ యాత్ర విత్ జ్యోతిర్లింగ" పేరుతో ఈ ప్యాకేజీ తీసుకొచ్చింది. జూన్ 22న ఈ టూర్ స్టార్ట్ అవుతుంది. రెండు తెలుగు రాష్ట్రాల నుంచి కూడా ఈ రైలు ప్రయాణిస్తుంది. ఇక్కడ సికింద్రాబాద్ మొదలు వరుసగా కాజీపేట్, వరంగల్, ఖమ్మం, విజయవాడ, తెనాలి, ఒంగోలు, నెల్లూరు, గూడూరు, రేణిగుంట స్టేషన్లలో ఈ ట్రైన్ ఎక్కొచ్చు. ప్రయాణం అయిపోయాక పైన తెలిపిన స్టేషన్లలో దిగొచ్చు. ఇక ఈ టూర్ మొత్తం 8 రాత్రులు, 9 పగళ్లు సాగుతుంది.
ప్రయాణ వివరాలు ఇవే..
- మొదటి రోజు సికింద్రాబాద్‌లో మధ్యాహ్నం 12 గంటలకు ట్రైన్ జర్నీ స్టార్ట్ అవుతుంది. కాజీపేట్, వరంగల్, ఖమ్మం, విజయవాడ, తెనాలి, ఒంగోలు, నెల్లూరు, గూడూరు, రేణిగుంట మీదుగా రెండో రోజు ఉదయం 7 గంటలకు తిరువణ్ణామలై చేరుకుంటారు. అక్కడ అరుణాచలం ఆలయం దర్శించుకొని.. తిరిగి రైల్వే స్టేషన్కు వచ్చి మధురై వెళ్తారు.
- మూడో రోజు ఉదయం 8 గంటలకు మధురై చేరుకుంటారు. అక్కడి నుంచి బస్సులో రామేశ్వరం చేరుకుంటారు. హోటల్కి వెళ్లి ఫ్రెషప్ తర్వాత అక్కడ పుణ్యక్షేత్రాలు దర్శించుకోవచ్చు. ఇక్కడ ప్రయాణ ఖర్చులు యాత్రికులే భరించాలి. ముందుగా ఏర్పాటు చేసిన హోటల్లో రాత్రి భోజనం ఉంటుంది. బస రామేశ్వరంలో ఉంటుంది.
- నాలుగో రోజున రామేశ్వరంలో మధ్యాహ్న భోజనం ముగించి.. మధురై ప్రయాణమవుతారు. సాయంత్రం మీనాక్షి టెంపుల్‌కు వెళ్లి.. దర్శనం తర్వాత షాపింగ్ చేసుకోవచ్చు. తర్వాత రైలులో కన్యాకుమారి బయల్దేరతారు.
హైదరాబాద్ టూ అయోధ్య వయా కాశీ - IRCTC సూపర్ ప్యాకేజీ - ధర కూడా తక్కువే! - IRCTC Punya Kshetra Yatra
- ఐదో రోజున కన్యాకుమారిలోని ప్రకృతి అందాలు వీక్షించొచ్చు. అక్కడ వివేకానంద రాక్ మెమోరియల్, గాంధీ మండపం సహా సూర్యాస్తమయం చూడొచ్చు. రాత్రి భోజనం తర్వాత అక్కడే బస ఉంటుంది.
- ఆరో రోజున మార్నింగ్.. కన్యాకుమారి స్టేషన్కు వెళ్లి తిరువనంతపురం బయల్దేరతారు. అక్కడే టిఫిన్ చేసి అనంత పద్మనాభస్వామిని దర్శించుకొని.. కోవలం బీచ్ అందాలు వీక్షించొచ్చు. తర్వాత తిరుచిరాపల్లి బయల్దేరాలి.
- ఏడో రోజు మార్నింగ్ 5 గంటలకు తిరుచిరాపల్లికి చేరుకుంటారు. ఉదయం శ్రీ రంగనాథ స్వామి టెంపుల్ వెళ్లి దర్శనం తర్వాత మధ్యాహ్న భోజనం చేస్తారు. అక్కడి నుంచి 60 కి.మీ. దూరంలో ఉన్న తంజావూర్ వెళ్లి బృహదీశ్వర ఆలయ దర్శనం చేస్తారు. తర్వాత తంజావూర్ నుంచి తిరుగు ప్రయాణమవుతారు.
- 8వ రోజు రేణిగుంట, గూడూరు, నెల్లూరు, ఒంగోలు, తెనాలి, విజయవాడ, ఖమ్మం, వరంగల్, కాజీపేట మీదుగా 9వ రోజు ఉదయం 2.30 గంటలకు సికింద్రాబాద్ చేరుకోవడంతో దివ్య దర్శన యాత్ర పూర్తవుతుంది.
హైదరాబాద్ టూ కాశీ - ఐఆర్సీటీసీ స్పెషల్ టూర్ - ధర కూడా అందుబాటులోనే! - IRCTC Ganga Ramayan Yatra
ప్యాకేజీ వివరాలివే:
- ఎకానమీలో పెద్దలకు రూ.14,250; 5 నుంచి 11 ఏళ్ల మధ్య చిన్నారులకు అయితే రూ. 13,250 చెల్లించాలి.
- స్టాండర్డ్‌లో పెద్దలకు రూ.21,900; 5-11 చిన్నారులకు రూ.20,700 కట్టాలి.
- కంఫర్ట్‌లో పెద్దలకు రూ.28,450... 5-11 ఏళ్ల చిన్నారుల కోసం రూ.27,010 కట్టాలి.
- ఉదయం టీ, టిఫిన్, మధ్యాహ్నం, రాత్రి భోజనం రైల్వే సిబ్బంది చూసుకుంటారు.
- ప్యాకేజ్ బట్టి ప్రయాణానికి ఏసీ వెహికిల్ సమకూరుస్తారు.
- టూరిస్టులకు ట్రావెల్ ఇన్సూరెన్స్ ఉంటుంది.
- టూర్‌లో ఇతర ఛార్జీలు ప్రయాణికులు చూసుకోవాల్సి ఉంటుంది. ఈ టూర్కు సంబంధించిన పూర్తి వివరాలు, బుకింగ్ కోసం ఈ లింక్పై క్లిక్ చేయండి.
హైదరాబాద్ To తిరుపతి - IRCTC స్పెషల్ ప్యాకేజీ- శ్రీవారి స్పెషల్ దర్శనంతో పాటు మరెన్నో! - IRCTC Poorva Sandhya Tour Packages
