How to Make Mushroom 65 at Home: శాకాహారులకు మాంసకృత్తులు అందించే పదార్థాల్లో పుట్టగొడుగులు కూడా ఒకటి. అయితే చాలా మంది ఎప్పుడో ఒకసారి వీటిని తింటుంటారు. అది కూడా రెస్టారెంట్స్, హోటల్స్కు వెళ్లినప్పుడు మాత్రమే ట్రై చేస్తుంటారు. ఎందుకంటే వీటిని ఇంట్లో ఎలా వండుకోవాలో తెలియదు. అయితే అలాంటి వారు మేము చెప్పే పద్ధతిలో ఓసారి పుట్టగొడుగుల 65 ప్రిపేర్ చేసుకోండి. టేస్ట్ అద్దిరిపోతుంది. ఎలాగో క్రిస్మస్, న్యూ ఇయర్ రాబోతున్నాయి. అలాంటి సమయాల్లో వీటిని ట్రై చేస్తే పార్టీ టైమ్కు పర్ఫెక్ట్ కాంబినేషన్. మరి ఈ రెసిపీకి కావాల్సిన పదార్థాలు, తయారీ విధానం ఈ స్టోరీలో తెలుసుకుందాం..
కావాల్సిన పదార్థాలు:
- మైదా - పావు కప్పు
- కార్న్ఫ్లోర్ - పావు కప్పు
- కారం- అర టేబుల్ స్పూన్
- ఉప్పు - 1 టీ స్పూన్
- అల్లం వెల్లుల్లి పేస్ట్ - అర టేబుల్ స్పూన్
- వాటర్ - పావు కప్పు
- మష్రూమ్స్ -200 గ్రాములు
టాసింగ్ కోసం:
- నూనె - 3 టేబుల్ స్పూన్లు
- వెల్లుల్లి తరుగు - 2 టేబుల్ స్పూన్లు
- ఎండుమిర్చి - 2
- పచ్చిమిర్చి - 2
- ఉల్లిపాయ తరుగు - 2 టేబుల్ స్పూన్లు
- కరివేపాకు - 2 రెమ్మలు
- కారం - అర టేబుల్ స్పూన్
- ఉప్పు - రుచికి సరిపడా
- జీలకర్ర పొడి - 1 టీస్పూన్
- ధనియాల పొడి - 1 టీ స్పూన్
- గరం మసాలా- పావు టీ స్పూన్
- పెరుగు - అర కప్పు
- రెడ్ ఫుడ్ కలర్ - చిటికెడు(ఆప్షనల్)
- కొత్తిమీర తరుగు - కొద్దిగా
- నిమ్మరసం - అర చెక్క
తయారీ విధానం:
- ముందుగా పుట్టగొడుగులను శుభ్రంగా కడిగి కట్ చేసుకుని పక్కన పెట్టాలి.
- ముందుగా ఓ బౌల్లోకి మైదా, కార్న్ఫ్లోర్, కారం, ఉప్పు, అల్లం వెల్లుల్లి పేస్ట్, పావు కప్పు వాటర్ పోసి పిండిని దోశ పిండి మాదిరిగా కలుపుకోవాలి.
- ఆ తర్వాత కట్ చేసిన మష్రూమ్స్ను ఆ బౌల్ వేసి ముక్కలకు పిండి పట్టేలా బాగా కోట్ చేసుకోవాలి.
- ఇప్పుడు స్టవ్ ఆన్ చేసి పాన్ పెట్టి డీప్ ఫ్రైకి సరిపడా నూనె పోసుకోవాలి. నూనె బాగా మరుగుతున్నప్పుడు కోట్ చేసిన మష్రూమ్స్ కొద్దికొద్దిగా వేసుకుని మంటను హై ఫ్లేమ్లో పెట్టి పైన కోటింగ్ క్రిస్పీగా అయ్యేంతవరకు ఫ్రై చేసుకోవాలి. ఇలా అన్ని మష్రూమ్స్ను నూనెలో వేసి ఫ్రై చేసుకోవాలి. ఇలా అన్నింటిని వేయించుకుని పక్కన పెట్టుకోవాలి.
- ఇప్పుడు టాసింగ్ చేయాలి. అందుకోసం.. స్టవ్ ఆన్ చేసి పాన్ పెట్టి నూనె వేసి వేడి చేసుకోవాలి.
- ఆయిల్ హీటెక్కిన తర్వాత వెల్లుల్లి తరుగు, పచ్చిమిర్చి తరుగు, ఎండుమిర్చి వేసి వెల్లుల్లి మెత్తగా అయ్యే వరకు ఫ్రై చేసుకోవాలి.
- ఆ తర్వాత ఉల్లిపాయ తరుగు, కరివేపాకు వేసి ఓ నిమిషం వేయించుకోవాలి. ఆ తర్వాత అందులోకి కారం, ఉప్పు, జీలకర్ర పొడి, ధనియాల పొడి, గరం మసాలా వేసి జస్ట్ 30 సెకండ్స్ వేయించుకోవాలి.
- ఆ తర్వాత పెరుగు వేసి మంటను సిమ్లో పెట్టి బాగా కలపాలి. పెరుగు బాగా కలిసిన తర్వాత స్టవ్ను హైలో పెట్టి ఫుడ్ కలర్ వేసి కలిపి పెరుగు దగ్గరకు వచ్చేలా ఉడికించుకోవాలి.
- పెరుగు మిశ్రమం దగ్గర పడుతున్నప్పుడు ఫ్రై చేసిన మష్రూమ్స్ వేసి 30 సెకన్ల పాటు హై ఫ్లేమ్లో టాసింగ్ చేయాలి.
- ఆ తర్వాత కొత్తిమీర తరుగు, నిమ్మరసం చల్లి మరోసారి టాస్ చేసిన తర్వాత వేడివేడిగా ప్లేట్లోకి వేసి సర్వ్ చేసుకుని టమాట సాస్ లేదా గ్రీన్ చట్నీతో తింటే అద్దిరిపోవాల్సిందే.
- నచ్చితే ఈ క్రిస్మస్కు మీరూ ట్రై చేసి ఇంటిల్లిపాది ఎంజాయ్ చేయండి.
వంటసోడా లేకుండా అద్దిరిపోయే "అరటికాయ బజ్జీలు" - ఇలా చేస్తే నూనెె తక్కువ, రుచి ఎక్కువ!
బ్యాచిలర్స్ రెసిపీ "చికెన్ టిక్కా బిర్యానీ" - వంట రాని వారు కూడా ఈజీగా చేసేస్తారు!
