ಇನ್ನೇನು ಮುಗಿತಾ ಬಂತು ಈ ವರ್ಷ: ಮುಂದಿನ ವರುಷ ಹರ್ಷ ತುಂಬಲು ಬರುತ್ತಿವೆ ಹೊಸ ಹೊಸ ಸ್ಮಾರ್ಟ್​ಫೋನ್​ಗಳು!

Smartphones List: ಇನ್ನೇನು ಈ ವರ್ಷ ಮುಗಿತಾ ಬಂತು. ಮುಂದಿನ ವರ್ಷಕ್ಕೆ ಎಲ್ಲರೂ ಕಾಲಿಡಲಿದ್ದೇವೆ. ನಮ್ಮ ಜೊತೆ ಅನೇಕ ಸ್ಮಾರ್ಟ್​ಫೋನ್​ಗಳು ಸಹ ಮುಂದಿನ ವರ್ಷಕ್ಕೆ ಲಗ್ಗೆಯಿಡಲು ತಯಾರಿ ನಡೆಸಿವೆ. ಅವುಗಳ ಚಿಕ್ಕ ನೋಟ ಇಲ್ಲಿದೆ..

Smartphones Set To Be Released 2025:ಸ್ಮಾರ್ಟ್​ಫೋನ್​ ರಫ್ತು ವಿಷಯದಲ್ಲಿ ಭಾರತ ದಾಖಲೆ ಬರೆದಿರುವುದು ಗೊತ್ತಿರುವ ಸಂಗತಿ. ಹಾಗಂತ ದೇಶದಲ್ಲಿ ಸ್ಮಾರ್ಟ್​ಫೋನ್​ಗಳ ಹಾವಳಿ ಕಡಿಮೆ ಆಗಿದೆ ಅಂತಲ್ಲ. ದೇಶಿಯ ಮಾರುಕಟ್ಟೆಯಲ್ಲಿಯೂ ಸ್ಮಾರ್ಟ್​ಫೋನ್​ಗಳಿಗೆ ಎಲ್ಲಿಲ್ಲದ ಬೇಡಿಕೆ ಹೆಚ್ಚುತ್ತಿದೆ. ಹೀಗಾಗಿ ಫೋನ್​ ತಯಾರಿಕಾ ಕಂಪನಿಗಳು ಗ್ರಾಹಕರ ಅಭಿರುಚಿಗೆ ಮತ್ತು ಕಾಲಕ್ಕೆ ತಕ್ಕಂತ ಫೋನ್​ಗಳನ್ನು ಅಭಿವೃದ್ಧಿ ಪಡಿಸುತ್ತಿದ್ದಾರೆ.

ಇತ್ತೀಚಿನ ವರ್ಷಗಳಲ್ಲಿ, ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಸ್ಪರ್ಧೆಯು ಕಠಿಣವಾಗುತ್ತಿರುವುದು ತಿಳಿದ ವಿಷಯ. ಆಗೊಮ್ಮೆ.. ಈಗೊಮ್ಮೆ. ಕಂಪನಿಗಳು ಹೊಸ ಫೋನ್‌ಗಳನ್ನು ಬಿಡುಗಡೆ ಮಾಡುತ್ತಲೇ ಇರುತ್ತವೆ. ಹೀಗೆ ತಮ್ಮ ಪೋರ್ಟ್‌ ಫೋಲಿಯೊ ವಿಸ್ತರಿಸುತ್ತವೆ. ಆದರೆ ಇವುಗಳಲ್ಲಿ ಕೆಲವು ಫೋನ್‌ಗಳು ಮಾತ್ರ ಗ್ರಾಹಕರ ಹೃದಯದಲ್ಲಿ ವಿಶೇಷ ಸ್ಥಾನ ಪಡೆಯುತ್ತವೆ. ಈ ವರ್ಷವೂ ಇಂತಹ ಹಲವು ಫೋನ್‌ಗಳನ್ನು ಬಿಡುಗಡೆ ಮಾಡಲಾಗಿದೆ. ಇನ್ನು ಕೆಲವೇ ದಿನಗಳಲ್ಲಿ ಹೊಸ ವರ್ಷ ಬರಲಿದ್ದು, ಹೊಸ ವರ್ಷದಲ್ಲೂ ಹಲವು ಕಂಪನಿಗಳು ತಮ್ಮ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಲು ಸಿದ್ಧವಾಗಿವೆ. ಬನ್ನಿ, ಎಲ್ಲರ ಕಣ್ಣು ನೆಟ್ಟಿರುವ ಆ ಫೋನ್‌ಗಳ ಬಗ್ಗೆ ತಿಳಿದುಕೊಳ್ಳೋಣ.

ಸ್ಯಾಮ್​ಸಂಗ್​ ಗ್ಯಾಲೆಕ್ಸಿ ಎಸ್​25 ಲೈನ್ಅಪ್:Samsung Galaxy S25 ಸೀರಿಸ್​ ಅಡಿ 3 ಹೊಸ ಸ್ಮಾರ್ಟ್‌ಫೋನ್‌ಗಳನ್ನು ಜನವರಿ 2025 ರಲ್ಲಿ ಬಿಡುಗಡೆ ಮಾಡಲಿದೆ. ಈ ಮೂರು ಫೋನ್‌ಗಳು Galaxy S25, Samsung Galaxy S25 Plus ಮತ್ತು Samsung Galaxy Ultra ಆಗಿವೆ. Qualcomm ನ Snapdragon 8 Elite ಚಿಪ್‌ಸೆಟ್ ಈ ಸೀರಿಸ್​ನಲ್ಲಿ ಲಭ್ಯವಾಗುವ ನಿರೀಕ್ಷೆಯಿದೆ. ಎಲ್ಲ ಮೂರು ಸ್ಮಾರ್ಟ್‌ಫೋನ್‌ಗಳು ಆಂಡ್ರಾಯ್ಡ್ 15 ನಲ್ಲಿ ಕಾರ್ಯನಿರ್ವಹಿಸುತ್ತವೆ. S24 ಸರಣಿಗೆ ಹೋಲಿಸಿದರೆ, S25 ಸೀರಿಸ್​ ಉತ್ತಮ ಕ್ಯಾಮೆರಾ ಹೊಂದಿರುತ್ತದೆ. 5G ಸಂಪರ್ಕದೊಂದಿಗೆ, ಎಲ್ಲಾ ಮೂರು ಫೋನ್‌ಗಳು ಸ್ಪೀಡ್​ ಚಾರ್ಜಿಂಗ್ ಸಪೋರ್ಟ್​ ಹೊಂದಿರುತ್ತದೆ.

ಒನ್​ಪ್ಲಸ್​ 13:ಸ್ಯಾಮ್‌ಸಂಗ್‌ನಂತೆ ಒನ್​ಪ್ಲಸ್​ ತನ್ನ ಪ್ರಮುಖ ಮಾದರಿ OnePlus 13 ಜನವರಿ 2025 ರಲ್ಲಿ ಬಿಡುಗಡೆ ಮಾಡುತ್ತಿದೆ. ಉತ್ತಮ ಕಾರ್ಯಕ್ಷಮತೆಗಾಗಿ ಇದು ಸ್ನಾಪ್‌ಡ್ರಾಗನ್ 8 ಎಲೈಟ್ ಚಿಪ್‌ಸೆಟ್ ಅನ್ನು ಸಹ ಹೊಂದಿರುತ್ತದೆ. ಈ ಫೋನ್ ವಾಟರ್​ ಮತ್ತು ಡಸ್ಟ್​ ರಕ್ಷಣೆಗಾಗಿ IP69 ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಡಿಸ್‌ಪ್ಲೇ ದೋಷಗಳಿಂದ ತೊಂದರೆಗೊಳಗಾದ ಕಂಪನಿಯು ಗ್ರೀನ್ ಲೈನ್ ಫ್ರೀ ಡಿಸ್‌ಪ್ಲೇ ತಂತ್ರಜ್ಞಾನದೊಂದಿಗೆ ಇದನ್ನು ಪ್ರಾರಂಭಿಸುತ್ತದೆ. ಇದು ಪವರ್​ಫುಲ್​ ಬ್ಯಾಟರಿ ಮತ್ತು ಕ್ಯಾಮೆರಾ ಸೆಟಪ್ ಹೊಂದಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ನಥಿಂಗ್​ ಫೋನ್ 3: ಈ ಫೋನ್ ಮುಂದಿನ ವರ್ಷ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಮಾಹಿತಿ ಪ್ರಕಾರ, ಇದು Snapdragon 7s Gen 3 ಪ್ರೊಸೆಸರ್ ಅನ್ನು ಹೊಂದಿದೆ. ಇದು 8GB RAM ಮತ್ತು 512GB ಸಂಗ್ರಹಣೆ ಪಡೆಯಬಹುದು. AMOLED ಡಿಸ್​ಪ್ಲೇಯೊಂದಿಗೆ ಬರುವ ಈ ಫೋನ್‌ನಿಂದ ಬಲವಾದ ಕಾರ್ಯಕ್ಷಮತೆ ನಿರೀಕ್ಷಿಸಲಾಗಿದೆ.

ಐಫೋನ್ 17 ಏರ್: ಈ ಬಾರಿ ಆಪಲ್ ಐಫೋನ್ ಸರಣಿಯಲ್ಲಿ ಹಳೆಯ ಮಾದರಿಯ ಬದಲಿಗೆ ಹೊಸ ಮಾದರಿಯನ್ನು ತರಬಹುದು. ಐಫೋನ್ ಪ್ಲಸ್ ಮಾದರಿಯನ್ನು ಏರ್ ಮಾಡೆಲ್‌ನಿಂದ ಬದಲಾಯಿಸಲಾಗುವುದು ಎಂಬ ಊಹಾಪೋಹಗಳಿವೆ. ಈ ಕಾರಣದಿಂದಾಗಿ ಈ ವರ್ಷದ ಸೆಪ್ಟೆಂಬರ್‌ನಲ್ಲಿ ಐಫೋನ್ 17 ಏರ್ ಅನ್ನು ಪ್ರಾರಂಭಿಸಬಹುದು. ಇದು ಸ್ಲಿಮ್​ ಆದ ಐಫೋನ್ ಆಗಿರುತ್ತದೆ ಮತ್ತು ಇದರ ಬೆಲೆ ಪ್ಲಸ್ ಮಾದರಿಯಂತೆಯೇ ಇರಬಹುದು. ಬೆಲೆಯನ್ನು ಕಡಿಮೆ ಮಾಡಲು, ಕೆಲವು ವೈಶಿಷ್ಟ್ಯಗಳನ್ನು ರಾಜಿ ಮಾಡಿಕೊಳ್ಳಬಹುದಾಗಿದೆ.

Asus ROG Phone 9:ಅಸುಸ್​ ಆರ್​ಒಜಿ ಫೋನ್ 9 ಈಗಾಗಲೇ ಜಾಗತಿಕವಾಗಿ ಅನಾವರಣಗೊಂಡಿದೆ. 2025 ರ ಮೊದಲ ಕೆಲವು ತಿಂಗಳುಗಳಲ್ಲಿ ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸುವ ನಿರೀಕ್ಷೆಯಿದೆ. ಗೇಮಿಂಗ್ ಉತ್ಸಾಹಿಗಳಿಗಾಗಿ ವಿನ್ಯಾಸಗೊಳಿಸಲಾದ ಈ ಫೋನ್ ಗರಿಷ್ಠ ಕಾರ್ಯಕ್ಷಮತೆಯನ್ನು ಉಳಿಸಿಕೊಳ್ಳಲು Snapdragon 8 Elite ಚಿಪ್ ಮತ್ತು ವರ್ಧಿತ ಕೂಲಿಂಗ್ ವ್ಯವಸ್ಥೆಯನ್ನು ಹೊಂದಿರುತ್ತದೆ. ಇದರ ವೇಗದ 165Hz ಡಿಸ್​ಪ್ಲೇ ಮತ್ತು ಪವರ್​ಫುಲ್​ 5,800 mAh ಬ್ಯಾಟರಿಯು ಮೊಬೈಲ್ ಗೇಮರುಗಳಿಗಾಗಿ ಉನ್ನತ ಆಯ್ಕೆಯಾಗಿ ತನ್ನ ಸ್ಥಾನವನ್ನು ಮತ್ತಷ್ಟು ಗಟ್ಟಿಗೊಳಿಸುತ್ತದೆ.

Xiaomi 15: Xiaomi 15 ಮತ್ತೊಂದು Snapdragon 8 Elite ಚಾಲಿತ ಫೋನ್ ಆಗಿದ್ದು, 2025 ರ ಮೊದಲ ತ್ರೈಮಾಸಿಕದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಇತರ ಉನ್ನತ-ಮಟ್ಟದ ಆಂಡ್ರಾಯ್ಡ್​ ಸ್ಮಾರ್ಟ್‌ಫೋನ್‌ಗಳಿಗೆ ಹೋಲಿಸಿದರೆ, Xiaomi 15 ಗಾತ್ರದಲ್ಲಿ ಹೆಚ್ಚು ಕಂಪ್ಯಾಕ್ಟ್​ ಆಗಿದೆ. 6.36-ಇಂಚಿನ ಡಿಸ್​ಪ್ಲೇ, ಲೈಕಾ ಟ್ಯೂನಿಂಗ್‌ನೊಂದಿಗೆ ಟ್ರಿಪಲ್ ಕ್ಯಾಮೆರಾ ಸೆಟಪ್ ಮತ್ತು ಪವರ್​ಫುಲ್​ 5,400 mAh ಬ್ಯಾಟರಿ ಹೊಂದಿರುವ ನೀರಿಕ್ಷೆಯಿದೆ.

iPhone SE 4:ಐಫೋನ್​ ಎಸ್​ಇ 4, ಆಪಲ್​ ಇಂಟೆಲಿಜೆನ್ಸ್ ಸೇರಿದಂತೆ Appleನ ಅತ್ಯಂತ ಕೈಗೆಟುಕುವ ಐಫೋನ್‌ನ ಪರಿಷ್ಕರಿಸಿದ ಆವೃತ್ತಿಯಾಗಿದೆ. iPhone SE 4 ಐಫೋನ್ 14 ಮತ್ತು iPhone 15 ನಿಂದ ಕೆಲವು ಬಿಡಿಭಾಗಗಳನ್ನು ಎರವಲು ಪಡೆದಿದೆ ಎಂದು ಹೇಳಲಾಗುತ್ತದೆ.

ಓದಿ:ರಫ್ತು ವಿಷಯದಲ್ಲಿ ಭಾರತ ದಾಖಲೆ: ಕೇವಲ ಒಂದೇ ತಿಂಗಳಲ್ಲಿ 20 ಸಾವಿರ ಕೋಟಿಗೂ ಹೆಚ್ಚು ವಹಿವಾಟು!