నేపాల్​కు అమెరికా సాయం.. దేశవ్యాప్తంగా ఆందోళనలు, రాళ్ల దాడులు!

Violent protests in Kathmandu: నేపాల్​లో ఉద్రిక్త పరిస్థితులు నెలకొన్నాయి. అమెరికా ఆర్థిక సాయానికి వ్యతిరేకంగా జరుగుతున్న ఆందోళనలతో కాఠ్​మాండూ అట్టుడుకుతోంది. అమెరికా 500 మిలియన్​ డాలర్లను (రూ. 3,734 కోట్లకుపైగా) నేపాల్​కు సాయంగా అందించాలని నిర్ణయించింది. ఒప్పందం ఆమోదం కోసం దీనిని అధికార పక్షం పార్లమెంటులో ప్రవేశపెట్టింది. సంకీర్ణ ప్రభుత్వంలోని రెండు కమ్యూనిస్ట్​ పార్టీలు సహా విపక్షాలు, సాధారణ ప్రజలు దీనిని తీవ్రంగా వ్యతిరేకిస్తున్నారు. ఈ ఒప్పందంలోని కొన్ని నిబంధనలతో.. దేశ సార్వభౌమత్వానికే ముప్పు అని ఆరోపిస్తున్నారు. ఆదివారం ఈ నిరసనలు మరింత తీవ్రమయ్యాయి. పార్లమెంటు బయట పోలీసులు, నిరనసకారుల మధ్య ఘర్షణ చెలరేగింది. పోలీసులు వాటర్​ కెనాన్లు, టియర్​ గ్యాస్​ ప్రయోగించారు. ఇరువర్గాలకు చెందిన పలువురు గాయపడ్డారు.