పులి కోసం ట్రాఫిక్​ నిలిపివేసిన అధికారులు.. తర్వాత దర్జాగా..!

Traffic Stopped For Tiger: పులి కోసం ట్రాఫిక్​ను నిలిపివేశారు అటవీ శాఖ అధికారులు. మహారాష్ట్ర చంద్రపుర్​లోని నాగ్​భీడ్​- బ్రహ్మపురీ హైవేపై రెండు రోజుల క్రితం కనిపించిందీ సన్నివేశం. భారీ ట్రాఫిక్​ ఉన్న కారణంగా.. రోడ్డు దాటలేక పులి అక్కడే పక్కన కూర్చుంది. అదే సమయంలోనే కొందరు.. అటవీ అధికారులకు సమాచారం ఇచ్చారు. కొద్దిసేపటికి అక్కడికి చేరుకున్న అటవీ సిబ్బంది.. ట్రాఫిక్​ను కొద్దిసేపు నిలిపివేశారు. అనంతరం.. పులి అక్కడినుంచి లేచి దర్జాగా రోడ్డు దాటుకుంటూ వెళ్లిపోయింది. కొందరు వాహనాదారులు ఈ దృశ్యాలను తమ ఫోన్లలో రికార్డు చేసి.. సామాజిక మాధ్యమాల్లో పోస్ట్​ చేయగా వీడియో వైరల్​ అవుతోంది.