రెండు లారీలు ఢీ.. పేలిన డీజిల్ ట్యాంక్.. ముగ్గురు సజీవదహనం

రాజస్థాన్​లో ఘోర ప్రమాదం జరిగింది. రెండు లారీలు ఢీకొట్టుకోవడం వల్ల భారీగా మంటలు చెలరేగాయి. ఈ ఘటనలో ముగ్గురు సజీవ దహనం అయ్యారు. మృతుల్లో ఇద్దరు లారీ డ్రైవర్లు, ఒక క్లీనర్​ ఉన్నట్లు పోలీసులు తెలిపారు. మృతుల బంధువులకు పోలీసులు సమాచారం అందించారు. ఈ ఘటన జోధ్​పుర్​లోని షేర్​ఘడ్​లో పోలీసు స్టేషన్​ పరిధిలో సోమవారం రాత్రి 11 గంటలకు జరిగింది. అగ్నిమాపక యంత్రాలు వచ్చి మంటలను ఆర్పివేశాయని పోలీసులు తెలిపారు.