పాన్ ఇప్పించలేదని రచ్చరచ్చ.. కర్రలతో దాడి..

గుజరాత్​లో దారుణం జరిగింది. పాన్ షాపు దగ్గర జరిగిన చిన్న గొడవ ఓ యువకుడి ప్రాణం మీదకు వచ్చింది. సూరత్​.. సర్దార్​ నగర్​లో షకీల్ అనే యువకుడు పాన్​ మసాలా తినేందుకు దుకాణానికి వచ్చాడు. అంతలోనే సోహైల్, సమీర్​ అనే ఇద్దరు వ్యక్తులు వచ్చి గుట్కా, పాన్ ఇప్పించాలని షకీల్​ను డిమాండ్ చేశారు. అందుకు షకీల్ ససేమిరా అన్నాడు. తన వద్ద డబ్బులు లేవని.. అయినా తానెందుకు పాన్ ఇప్పించాలని ప్రశ్నించాడు. దీంతో నిందితులిద్దరూ అసభ్య పదజాలంతో తిడుతూ కర్రలతో విచక్షణారహితంగా దాడికి దిగారు. బాధితుడు షకీల్​ను ఆసుపత్రిగా తరలించగా.. అతడి పరిస్థితి విషమంగా ఉందని వైద్యులు తెలిపారు. ఈ ఘటన లింబయత్​ పోలీస్ స్టేషన్​లో పరిధిలో జరిగింది. సీసీటీవీలో ఈ దాడి దృశ్యాలన్ని రికార్డయ్యాయి.