ప్రియుడితో బైక్​పై వెళ్తుందని.. మినీ ట్రక్కుతో ఢీకొట్టిన సోదరుడు

Honor Attack: తన సోదరి మరో వ్యక్తితో బైక్​పై వెళ్తుండటం గమనించాడో వ్యక్తి. కోపంతో రగిలిపోయి.. వారిని ఆపేందుకు యత్నించాడు. కానీ వారు పట్టించుకోలేదు. దీంతో ఆగ్రహావేశాలకు లోనైన అతడు.. వారు వెళ్తున్న బైక్​ను ఓ మినీ ట్రక్కుతో వెంబడించి.. బలంగా ఢీకొట్టాడు. అలాగే 10 మీటర్ల దూరం ఈడ్చుకెళ్లాడు. అంతటితో ఆగకుండా వాహనం దిగి.. తన సోదరి సహా ఆమెతో ఉన్న వ్యక్తిపై దాడికి దిగాడు. గాయపడ్డ ఇద్దరినీ స్థానికులు ఆస్పత్రిలో చేర్పించారు. మధ్యప్రదేశ్​ భోపాల్​లోని అయోధ్య నగర్​లో సోమవారం(ఏప్రిల్​ 18) జరిగిందీ ఘటన. బాధితుల ఫిర్యాదు మేరకు నిందితుడు అజీం మన్సూరీని అరెస్టు చేశారు పోలీసులు. ట్రక్కు డ్రైవర్​ రవిపై హత్యాయత్నం కేసు నమోదు చేశారు. సంబంధిత దృశ్యాలు సీసీటీవీలో రికార్డయ్యాయి.