రెస్టారెంట్‌లో పేలిన గ్యాస్​ సిలిండర్​.. లైవ్ వీడియో

Gas Cylinder Blasted: కేరళ పండళంలోని ఓ రెస్టారెంట్​లో గ్యాస్​ సిలిండర్​ పేలిపోయింది. తొలుత సిలిండర్ నుంచి గ్యాస్ లీకై.. పేలుడు సంభవించినట్లు తెలుస్తోంది. ఆదివారం మధ్యాహ్నం ఒంటి గంట ప్రాంతంలో ఫలక్​ మజ్లిస్​ రెస్టారెంట్​లో ఈ ఘటన జరిగింది. రెస్టారెంట్​లో పనిచేస్తున్న సల్మాన్​, సిరాజుద్దీన్​, కన్నన్​ తీవ్రంగా గాయపడ్డారు. వీరిని స్థానిక ప్రైవేట్​ ఆసుపత్రికి తరలించారు. ప్రమాదం జరిగిన సమయంలో రెస్టారెంట్​కు భోజనం చేసేందుకు వచ్చిన కస్టమర్లు బయటికి పరుగులు తీశారు. సమాచారం అందుకున్న అగ్నిమాపక సిబ్బంది మంటలను అదుపులోకి తీసుకొచ్చారు. భారీ పేలుడు ధాటికి రెస్టారెంట్​లోని వంట సామాగ్రి, కిటికీ తలుపులు అన్నీ అగ్నికి ఆహుతయ్యాయి. సుమారు లక్ష రూపాయల నష్టం వాటిల్లినట్లు అధికారులు అంచనా వేశారు.