LIVE VIDEO: కార్యకర్తల భుజాల పైనుంచి బారికేడ్లు దూకేసిన రేవంత్​రెడ్డి

పెట్రోల్​ ధరల పెంపునకు నిరసనగా కాంగ్రెస్​ చేపట్టిన చలో రాజ్​భవన్​ కార్యక్రమం ఉద్రిక్తతకు దారితీసింది. కార్యకర్తల నినాదాలు, అరుపులతో ఉద్రిక్త వాతావరణం నెలకొంది. రాజ్​భవన్​ నుంచి అంబేడ్కర్​ విగ్రహం వద్దకు బయలుదేరిన కాంగ్రెస్​ శ్రేణులను.. బారికేడ్లు, ఇనుప ముళ్ల కంచెలతో నిలువరించేందుకు పోలీసులు యత్నించారు. ఈ సమయంలో పోలీసులు, కాంగ్రెస్​ శ్రేణుల మధ్య తీవ్ర వాగ్వాదం, తోపులాట చోటుచేసుకొంది. పెద్దఎత్తున తరలివచ్చిన కాంగ్రెస్​ కార్యకర్తలను అదుపుచేయడం పోలీసులకు సవాల్​గా మారింది. ఈ సమయంలో కార్యకర్తల భుజాలపైకి ఎక్కిన రేవంత్​రెడ్డి.. 'మోదీ సర్కార్​ జూటా సర్కార్'​ అని రాసి ఉన్న ప్లకార్డు ప్రదర్శించారు. అనంతరం కార్యకర్తల భుజాల నుంచి బారికేడ్లను దూకేశారు.