చంకలో పాప.. అద్భుత క్యాచ్​తో ఆహా!

అమెరికా.. కాలిఫోర్నియా సాన్​డిగో నగరంలో పెట్కోపార్క్​లో జరిగిన ఓ బేస్​బాల్​ టోర్నీలో ఆశ్చర్యమైన సంఘటన జరిగింది. మ్యాచ్​ చూడటానికి వచ్చిన ఓ వీక్షకురాలు(తల్లి) చంకలో బిడ్డ ఉండగానే ఒంటిచేత్తో బంతిని క్యాచ్​ పట్టుకుని అందరినీ ఆశ్చర్యపరిచింది. ఆటలో భాగంగా ఓ ప్లేయర్​ బంతిని బాదగా.. అది కాస్త స్టాండ్స్​లోకి వెళ్లింది. అక్కడే కుర్చిలో బిడ్డను చేతిలో పట్టుకుని కూర్చున్న ఆ తల్లి అమాంతం నిలబడి ఒంటిచేత్తో ఆ బాల్​ను అద్భుతంగా పట్టుకుంది. ఇది చూసిన అక్కడి వారు కేరింతలతో ఆమెను అభినందించారు. దీనికి సంబంధించిన వీడియో వైరల్​గా మారింది. విపరీతంగా లైక్స్​, కామెంట్స్​ వస్తున్నాయి.