సీఎం జగన్ నివాసానికి షర్మిల - కుమారుడి వివాహానికి ఆహ్వానం

YS Sharmila Reached to CM Jagan House: వైఎస్సార్​ తెలంగాణ పార్టీ అధ్యక్షురాలు వైఎస్​ షర్మిల తాడేపల్లిలో ముఖ్యమంత్రి జగన్​మోహన్​ రెడ్డిని కలిశారు.  బుధవారం సాయంత్రం కుటుంబసమేతంగా కడప నుంచి గన్నవరం విమానాశ్రయానికి చేరుకున్నారు. మంగళవారం ఇడుపులపాయలోని వైఎస్​ ఘాట్​ వద్ద షర్మిలతో పాటు ఆమె కుమారుడు రాజారెడ్డి, కాబోయే కోడలు ప్రియ అట్లూరి, విజయమ్మలు నివాళులు అర్పించిన విషయం తెలిసిందే.  

కడప నుంచి బుధవారం సాయంత్రం తాడేపల్లిలోని ముఖ్యమంత్రి జగన్​మోహన్​ రెడ్డిని కలిసేందుకు గన్నవరం ఎయిర్​పోర్ట్​కు వచ్చారు. అనంతరం సీఎం క్యాంప్​ ఆఫీసుకు వెళ్లి తన సోదరుడు, ముఖ్యమంత్రి జగన్​ను కలుసుకున్నారు.  తన కుమారుడు రాజారెడ్డి వివాహానికి సోదరుడు జగన్​ను షర్మిల ఆహ్వానించారు. సీఎం జగన్ నివాసానికి కుటుంబ సభ్యులతో కలిసి చేరుకున్న షర్మిల, జగన్ కు వివాహ ఆహ్వాన పత్రిక అందజేశారు. జగన్​తో సుమారు 15 నిమిషాల పాటు మాట్లాడిన అనంతరం షర్మిల గన్నవరం చేరుకుని ప్రత్యేక విమానంలో దిల్లీకి బయల్దేరి వెళ్లారు.

ఇప్పటికే ఆమె కాంగ్రెస్​ పార్టీలో చేరుతున్నట్లు స్పష్టం చేశారు. దిల్లీలో కాంగ్రెస్​ అధిష్టానాన్ని కలిసే ముందు తన సోదరుడ్ని కలవడం రాజకీయవర్గాల్లో అసక్తిని రేకెత్తిస్తోంది.  తాను కాంగ్రెస్​లో చేరుతున్నట్లు ఆమె ఇడుపులపాయ వేదికగానే మంగళవారం రోజున ప్రకటించగా, తెలంగాణలో కాంగ్రెస్​ పార్టీకి లభించిన స్థానాల్లో తాము అభ్యర్థులను నిలబెట్టకపోవడం వల్లె 31 స్థానాలు అధికంగా విజయం సాధించిందని వ్యాఖ్యానించారు.