Women Handbag Snatching CC Viral Footage : పట్టపగలే చోరీకి యత్నం.. సీసీటీవీలో రికార్డ్ దృశ్యాలు

Women Handbag Snatching CC Viral Footage : ఈ మధ్యకాలంలో దొంగలు రెచ్చిపోతున్నారు. పట్టణాలు, గ్రామాలు అనే తేడా లేకుండా అందిన కాడికి దోచుకుని పోతున్నారు. శివారు ప్రాంతాల్లో ఒంటరిగా వెళుతున్న వారే వీరి లక్ష్యం. ఎవరు లేనిది చూసి వారిపై విరుచుకుపడుతున్నారు. తాజాగా రోడ్డుపై వెళ్తున్న మహిళ చేతిలోని బ్యాగ్‌ను ఓ దొంగ లాక్కెళ్లాడు. అయితే స్థానికులు వెంబడించి దొంగను పట్టుకున్నారు. ఈ ఘటన హైదరాబాద్ లంగర్‌ హౌస్ పోలీస్‌ స్టేషన్‌ పరిధిలో చోటుచేసుకుంది.    

Handbag Snatching at Langar Houz : పోలీసులు, స్థానికులు తెలిపిన వివరాల ప్రకారం.. లంగర్‌ హౌస్ పోలీస్‌ స్టేషన్‌ పరిధిలోని లిమెట్స్ బాపు నగర్ శివాలయం ఎదురుగా ఓ మహిళ స్కూల్ నుంచి పాపని తీసుకుని వెళ్తోంది. ఆ వీధిలో ఎవరు లేనిది చూసి ఒక్కసారిగా దొంగ ఒక్కసారిగా రెచ్చిపోయాడు. వెనకాల నుంచి వచ్చి ఆమె చేతిలోని హ్యాండ్‌ బ్యాగ్‌ను లాక్కునే ప్రయత్నం చేశాడు. ఆమె ప్రతిఘటించడంతో మహిళపై దాడికి పాల్పడ్డాడు. బ్యాగ్‌ను తీసుకొని పారిపోతుండగా.. మహిళ కేకలు వేసింది. అప్రమత్తమైన స్థానికులు నిందితుడిని పట్టుకుని దేహశుద్ధి చేశారు. అనంతరం అతన్ని లంగర్‌ హౌస్ పోలీసులకు అప్పగించారు. ఈ మేరకు పోలీసులు కేసు నమోదు చేసుకుని దర్యాప్తు చేపట్టారు. దొంగతనానికి సంబంధించిన దృశ్యాలు అక్కడే ఉన్న సీసీటీవీల్లో రికార్డయ్యాయి.