'ప్రజలకు అందుబాటులో ఉండి పనిచేయడం వల్లే నేను మరోసారి ఎమ్మెల్యేగా గెలువబోతున్నాను'

Vikarabad BRS Candidate Methuku Anand Interview : ప్రజలకు అందుబాటులో ఉండి పనిచేయడం వల్లే తాను మరోసారి ఎమ్మెల్యేగా గెలవబోతున్నట్లు వికారాబాద్ బీఆర్ఎస్ అభ్యర్థి, సిట్టింగ్ ఎమ్మెల్యే మెతుకు ఆనంద్ ధీమా వ్యక్తం చేస్తున్నారు. గతంలో ఎన్నుకున్న ఎమ్మెల్యేలను ప్రజలు కలువాలంటే హైదరాబాద్ వెళ్లాల్సి వచ్చేదని ఆయన పేర్కొన్నారు. జూనియర్ కాలేజీ కూడా లేని వికారాబాద్‌కు రూ.235 కోట్లతో మెడికల్ కాలేజీ ఇవ్వడం అంతా ఆశామాషీ విషయం కాదని చెప్పారు. 

Telangana Assembly Elections 2023 : ప్రజలందరూ జరుగుతున్న అభివృద్ధిని గమనిస్తున్నారని కచ్చితంగా బీఆర్ఎస్‌ పార్టీనే గెలిపిస్తారని ఆశాభావం వ్యక్తం చేశారు. బీఆర్ఎస్‌ అభ్యర్థికి ఎవరు పోటీ లేరని స్పష్టం చేశారు. ప్రతిపక్షాలు రెండో స్థానం కోసం పోటీపడడం తప్ప తమకు పోటీ లేదన్నారు. కేసీఆర్ ప్రభుత్వంలో ఎన్నికైన ఎమ్మెల్యేగా స్థానికంగా ఉంటూ ప్రజా సమస్యల పరిష్కారం కోసం కృషి చేస్తున్నట్లు మెతుకు ఆనంద్ వెల్లడించారు. ఈసారి కూడా కేసీఆర్ నాయకత్వంలో భారీ మెజార్టీతో విజయం సాధిస్తానంటోన్న మెతుకు ఆనంద్‌తో ఈటీవీ భారత్ ముఖాముఖి.