పెద్దపులి వేటాడటం ఎప్పుడైనా చూశారా - ఇదిగో లైవ్ వీడియో చూసేయండి

Tiger Attack viral video : మహారాష్ట్రలోని తాడోబా టైగర్ రిజర్వు ఫారెస్టులో పర్యాటకులు చూస్తుండగానే పెద్దపులి మాటు వేసి అడవి పందిపై పంజా విసిరిన దృశ్యాలు సామాజిక మాధ్యమాల్లో ఇప్పుడు వైరల్​గా మారాయి. పార్క్​లో జంతువులను చూడటానికి పర్యాటకులు సఫారీ వాహనంలో ఎక్కి అడవి లోపలికి వచ్చారు. అలా సఫారీ జీప్​లో ఎక్కిన కొందరు టూరిస్టులు జంతువులను చూస్తూ పులులు ఉండే ప్రాంతానికి చేరుకున్నారు. 

Tiger Attacks Wild Boar : ఈ క్రమంలో వారికి ఓ పెద్దపులి కనిపించింది. వారంతా పులి ఏం చేస్తుందా అని ఆసక్తిగా గమనిస్తూ ఆ దృశ్యాలను తమ కెమెరాల్లో బంధించసాగారు. ఆ సమయంలో ఒక్కసారిగా పెద్దపులి అడవి పందిపైకి దూకి పంజా విసిరింది. అది విలవిల లాడుతుండగా మెడ పట్టి రక్తం తాగింది. నిమిషం వ్యవధిలోనే అడవి పంది పులి పంజాకు ప్రాణాలు విడిచింది. ఈ దృశ్యాలు పర్యాటకులు తమ కెమెరాల్లో, సెల్ ఫోన్​లలో బంధించడంతో సామాజిక మాధ్యమాల్లో వైరల్ అవుతున్నాయి. ఆ దృశ్యాలు మీరు చూడండి మరి.