Telangana Decade Celebrations : మల్​రెడ్డి రాం రెడ్డి ఆధ్వర్యంలో ఘనంగా తెలంగాణ ఆవిర్భావ వేడుకలు

Telangana Formation Day Celebrations at LB Nagar : తెలంగాణ ఆవిర్బావ వేడుకలు రాష్ట్రవ్యాప్తంగా ఇవాళ ఘనంగా జరిగాయి. పీసీసీ అధ్యక్షుడు రేవంత్​ రెడ్డి పిలుపు మేరకు ఎల్బీనగర్​ నియోజకవర్గం ఆ పార్టీ ఇంఛార్జ్ మల్​రెడ్డి రాంరెడ్డి ఆధ్వర్యంలో ఆవిర్భావ వేడుకలు అట్టహాసంగా నిర్వహించారు. ముందుగా ఆ పార్టీ అగ్రనాయకురాలు సోనియా గాంధీ చిత్రపటానికి మల్​రెడ్డి.. పాలాభిషేకం నిర్వహించారు. అనంతరం జెండాను ఆవిష్కరించారు. ఈ కార్యక్రమానికి నియోజక వర్గం నుంచి అధిక సంఖ్యలు కార్యకర్తలు, అభిమానులు చేరుకొని భారీ బైక్​ ర్యాలీగా దిల్​సుఖ్​ నగర్​లోని రాజీవ్​ చౌక్​ వద్దకు చేరుకున్నారు. అక్కడ పాలాభిషేక నిర్వహించి అనంతరం గాంధీభవన్​లో జరిగే సోనియమ్మకు కృతజ్ఞతలు కార్యక్రమంలో పాల్గొన్నారు. ఈ సందర్భంగా మాట్లాడిన ఆయన.. రాష్ట్రం మొత్తం కొట్లాడి కష్టపడి తెలంగాణ తెచ్చుకుంటే.. సీఎం కేసీఆర్​ మాయమాటలతో ప్రజలను మోసగించి ఇవాళ అధికారంలో కొనసాగుతున్నారని విమర్శించారు. రాష్ట్రం ఏర్పడి తొమ్మిదేళ్లలో తెలంగాణలో జరిగిన అభివృద్ధి శూన్యమని ఆక్షేపించారు. రూపాయి అప్పు లేని రాష్ట్రాని ఇవాళ ఐదున్నార లక్షల కోట్ల అప్పు చేశారని మండిపడ్డారు.