Stone Floating In Ganga River : గంగానదిలో 'రాముడి శిల'.. రామసేతు రాయి అంటున్న ప్రజలు.. భక్తిశ్రద్ధలతో పూజలు!

Stone Floating In Ganga River : బిహార్​ పట్నాలోని గంగా నదిలో దొరికిన ఓ రాయి.. ప్రస్తుతం చర్చనీయాంశంగా మారింది. గంగా నదిలో తేలియాడుతూ కనిపించిన ఆ రాయిపై శ్రీరామ్​ అని ఉండడం వల్ల దానిని చూసేందుకు ప్రజలు ఎగబడుతున్నారు. రాయికి పూజలు నిర్వహిస్తున్నారు.  

అసలేం జరిగిందంటే?
పట్నాలో గంగా నది రాజ్​ఘాట్​ వద్ద తేలియాడుతున్న భారీ రాయిని కొందరు స్థానికులు గమనించారు. నీటిలో భారీ రాయి తేలియాడుతుండడం వల్ల ప్రజలు కాసింత ఆశ్చర్యానికి లోనయ్యారు. ఇద్దరు యువకులు.. ఈదుకుంటూ వెళ్లి రాయిని తీసుకొచ్చారు. దానిపై శ్రీరామ్​ అని రాసి ఉండడం చూసి భక్తి భావనకు లోనయ్యారు. 

వెంటనే రాజ్​ఘాట్​ సమీపంలోని ఓ ఆలయంలోని టబ్​లో ఉంచి పూజలు చేశారు. అయితే ఈ రాయిని చూసేందుకు చుట్టుపక్క ప్రాంతాలతోపాటు సుదూర గ్రామాల నుంచి ప్రజలు తరలివస్తున్నారు. రాజ్​ ఘాట్ పేరును రామ్ ఘాట్‌గా మార్చాలని కొందరు డిమాండ్ చేస్తున్నారు. మరికొంతమంది.. అది రామ​సేతులోని రాయేనని అంటున్నారు.
"గంగానదిలో తేలియాడుతున్న రాయి లభ్యమైంది. వెంటనే అధికారులు ఈ రాయిపై పరిశోధన జరపాలి. రాజ్​ఘాట్​ పేరును రామ్​ఘాట్​గా మార్చాలి" అని ఓ స్థానికుడు డిమాండ్​ చేశాడు.