ఒకే ఇంట్లో 24 నాగుపాములు.. డ్రెస్సింగ్​ టేబుల్​ కింద మకాం.. గ్రామమంతా హడల్​!

Snakes In House : సాధారణంగా ఒక్క నాగు పామును చూస్తే మనం భయపడిపోతాం. అలాంటిది ఒకే చోట 24 నాగుపాములు కనిపిస్తే ఇంకంతే సంగతి.. ఒకటే పరుగు పెడతాం! బిహార్​లోని బగహ జిల్లాలో ఇలాంటి ఘటనే జరిగింది.  

జిల్లాలోని మధుబని గ్రామ పంచాయతీలో వార్డు నెం.5లో ఉంటున్న మదన్​ చౌదరి.. తన ఇంటి మెట్ల కింద డ్రెస్సింగ్​ టేబుల్​ కింద ఉంచాడు. ఇంట్లోని కొందరు పిల్లలు ఆ మెట్ల దగ్గర ఆడుకుంటున్నారు. అదే సమయంలో పిల్లల పక్కనుంచే ఓ నాగు పాము వెళ్లింది. అది చూసిన చిన్నారులు గట్టిగా అరిచారు. వెంటనే ఆ అరుపులు విన్న కుటుంబసభ్యులు అక్కడి చేరుకున్నారు. ఆ తర్వాత డ్రెస్సింగ్​ టేబుల్​ కింద చూడగా పాములు.. గుంపుగా ఉన్నాయి.  

వెంటనే మదన్​ కుటుంబసభ్యులు.. పాముల సంరక్షకుడికి సమాచారం అందించారు. అతడు వచ్చి డ్రెస్సింగ్ టేబుల్​ కింద 24 పాములు, 60 గుడ్లును రక్షించాడు. అనేక పాత్రల్లో వాటిని తీసుకుని వెళ్లి గండక్ నది ఒడ్డున విడిచిపెట్టాడు. అయితే అన్ని పాములు.. ఒకే ఇంట్లో ఉన్నాయన్న విషయం తెలుసుకున్న గ్రామస్థులు.. మదన్​ ఇంటికి వద్దకు చేరుకున్నారు. పాములు పడుతున్న సమయంలో ఆసక్తిగా  తిలకించారు. మరికొందరు భయాందోళనకు గురయ్యారు. అయితే పాములను చూసి కొందరు మహిళలు.. శివ నామస్మరణ చేశారు.