ఇక నుంచి తిరుపతికి 8 గంటల్లోనే వెళ్లొచ్చు.. వందేభారత్ ప్రయాణికుల హర్షం

Secunderabad to Tirupati Vande Bharat Experience : తెలుగు రాష్ట్రాల ప్రజలకు ఎంతో ప్రీతిపాత్రమైన తిరుపతి వెంకటేశ్వర స్వామి దర్శనానికి తక్కువ ప్రయాణ కాలంతో వేగంగా వెళ్లేందుకు తీసుకొచ్చిన వందే భారత్​ ఎక్స్​ప్రెస్​ ట్రైన్​ ఇవాళ ప్రధాని నరేంద్ర మోదీ ప్రారంభించారు. తెలుగు రాష్ట్రాలను కలుపుతూ సికింద్రాబాద్​ నుంచి తిరుపతికి వరకు ప్రయాణించే.. రెండో వందే భారత్​ ఎక్స్​ప్రెస్​ అందుబాటులోకి వచ్చింది. ఆధునికి సౌకర్యాలతో పూర్తి స్వదేశీ పరిజ్ఞానంతో తీర్చిదిద్ధిన ఈ రైలును ఎక్కేందుకు ప్రయాణికులు ఎంతో ఆసక్తి చూపుతున్నారు. 

సాధారణ ట్రైన్​లో సికింద్రాబాద్​ నుంచి తిరుపతికి వెళ్లేందుకు సుమారు 12గంటల సమయం పడితే అదే వందే భారత్​లో కేవలం 8గంటలలో చేరుకోవచ్చని రైల్వే అధికారులు అంటున్నారు. సుమారు 4 గంటలు ప్రయాణ భారం తగ్గడంతో పాటు కనిష్ఠంగా రూ.1680 నుంచి గరిష్ఠంగా రూ.3030లకే ప్రయాణ ఛార్జీలు ఉండటంతో ప్రయాణికులు ఈ ట్రైన్​లో ప్రయాణించడానికి పోటీ పడుతున్నారు. ఇప్పుడు మొదటి సారిగా అందులో ప్రయాణిస్తున్న ప్రయాణికులతో ఈటీవీ భారత్​ స్పెషల్​ ఇంటర్వ్యూ..