2వేల మందికి MP మటన్​ రైస్​ విందు.. ఒక్కసారిగా తొక్కిసలాట.. డీఎస్పీకి గాయాలు

కార్మికుల కోసం మటన్​ రైస్​తో ఓ ఎంపీ ఏర్పాటు చేసిన విందులో తొక్కిసలాట జరిగింది. ఈ ఘటనలో డీఎస్పీకి.. కిందపడి స్వల్ప గాయాలపాలయ్యారు. బిహార్​లోని జరిగిందీ ఘటన.
ముంగేర్​ జిల్లాలోని పోలో గ్రౌండ్‌లో జేడీయూ జాతీయాధ్యుక్షుడు, ముంగేర్​ ఎంపీ లాలన్​ సింగ్​ దినసరి కూలీల కోసం మటన్​ కూరతో కమ్మనైన విందును ఏర్పాటు చేశారు. మటన్​ రైస్​ను తినేందుకు ప్రజలు పెద్దఎత్తున అక్కడికి చేరుకున్నారు. ఈ క్రమంలో అక్కడ తొక్కిసలాట జరిగింది. దీంతో రద్దీని అదుపు చేసే సమయంలో అక్కడే ఉన్న భద్రతా సిబ్బంది వారిపై లాఠీలు ఝులిపించి చెదరగొట్టే ప్రయత్నం చేశారు.

విందులో కూలీల కోసం ప్రత్యేకంగా కౌంటర్లను కూడా ఏర్పాటు చేశారు. ఈ క్రమంలో అక్కడకు కొందరు జేడీయూ పార్టీ కార్యకర్తలు కూడా రావడం వల్ల తోపులాట జరిగింది. అయితే కేవలం రెండు వేల మంది కార్మికుల కోసం ఏర్పాటు చేసిన భోజన కార్యక్రమానికి అంతకు మించి ప్రజలు రావటం వల్ల ఈ పరిస్థితి ఏర్పడిందని చెబుతున్నారు నిర్వాహకులు. మొదటి పంక్తి భోజనం ప్రశాంతంగా ముగిసినా రెండో రౌండ్​ సమయానికి జనాలు కిక్కిరిసి పోవడం వల్ల ఒకరిపై ఒకరు దాడి చేసుకున్నారు.

2019లో లోక్‌సభ ఎన్నికల్లో గెలిచిన తర్వాత లాలన్ సింగ్ ఇలాంటి విందులు చాలా ఏర్పాటు చేశారు. కరోనా వైరస్​ వ్యాప్తి వల్ల ఆ కార్యక్రమానికి బ్రేక్​ పడింది. మహమ్మారి ముప్పు తగ్గడం వల్ల ఈసారి ముంగేర్ వేదికగా ఏకంగా రెండు వేల మంది కోసం మటన్​ రైస్​ విందును ఏర్పాటు చేశారు.