Gold Seized At Shamshabad Airport : శంషాబాద్​ విమానాశ్రయంలో రూ.67.96 లక్షల బంగారం సీజ్​

Gold Seized At Shamshabad Airport : అక్రమార్కులు అనేక మార్గాల్లో బంగారాన్ని దేశంలోకి తీసుకువస్తూ ఉండడం పరిపాటిగా మారిపోయింది. ఈ అక్రమ బంగారం స్మగ్లింగ్​కు కేరాఫ్​ అడ్రస్​గా హైదరాబాద్​లోని శంషాబాద్​ విమానాశ్రయం మారిపోయిందేమోనన్న సందేహం.. పట్టుబడుతున్న గోల్డ్​ను చూస్తేనే అర్థమవుతోంది. తాజాగా ఇదే శంషాబాద్​ ఎయిర్​పోర్టులోనే కిలోకు పైగా అక్రమంగా తరలిస్తున్న పసిడిని కస్టమ్స్​ అధికారులు స్వాధీనం చేసుకున్నారు. రియాద్​ నుంచి హైదరాబాద్​ వచ్చిన ప్రయాణికుడిపై అనుమానం వచ్చి లగేజి చేకింగ్​ చేయగా.. అందులో ఎమర్జెన్సీ లైట్​ లోపల బ్యాటరీ స్థానంలో కడ్డీల రూపంలో బంగారాన్ని దాచినట్లు కస్టమ్స్​ అధికారులు గుర్తించారు. 14 గోల్డ్​ కడ్డీలను స్వాధీనం చేసుకున్న అధికారులు.. ఆ ప్రయాణికుడిని అదుపులోకి తీసుకున్నారు. ఆ మొత్తం 1287.6 గ్రాముల బంగారం ఖరీదు రూ. 67.96 లక్షలుగా అధికారులు తెలిపారు. అక్రమంగా బంగారం తరలిస్తున్న ప్రయాణికుడిపై కేసు నమోదు చేసి.. దర్యాప్తు చేస్తున్నట్లు కస్టమ్స్​ అధికారులు వివరించారు. హైదరాబాద్​లో ఎవరికి ఆ బంగారాన్ని అందజేసేందుకు తెచ్చారనే కోణంలో ఆరా తీస్తున్నట్లు వారు వెల్లడించారు.