రైలు కింద జారిపడిన ప్రయాణికుడు.. లక్కీగా...

వేగంగా వెళ్తున్న రైలు నుంచి దిగేందుకు ప్రయత్నించి అదుపు తప్పి కింద పడిపోయాడు ఓ ప్రయాణికుడు. అక్కడే ఉన్న ఆర్పీఎఫ్ కానిస్టేబుల్ చాకచక్యంగా వ్యవహరించి ప్రయాణికుడిని కాపాడాడు. ఈ ఘటన ఒడిశాలోని బ్రహ్మపుర రైల్వే స్టేషన్​లో జరిగింది. రైల్వే స్టేషన్​లోని సీసీటీవీ కెమెరాల్లో ప్రమాద దృశ్యాలు రికార్డయ్యాయి. ఆదివారం మధ్యాహ్నం జరిగిందీ ప్రమాదం. 

అసోంకు చెందిన జయేశ్(34) అనే యువకుడు వేగంగా వెళ్తున్న ప్యాసింజర్​ రైలులో నుంచి దిగేందుకు ప్రయత్నించాడు. అప్పుడు అదుపు తప్పి కింద పడిపోయాడు. రైలు కిందకు జారిపోతున్న జయేశ్​ను అక్కడే ఆర్పీఎఫ్ కానిస్టేబుల్ సూర్యకాంత్ సాహు రక్షించాడు. జయేశ్.. బ్రహ్మపురలో ప్యాసింజర్ రైలు దిగి చెన్నైకు మరో రైలులో వెళ్లేందుకు ఇలా చేశాడని రైల్వే పోలీసులు తెలిపారు.