Mynampally Fires on Minister Mallareddy : మల్లారెడ్డి.. రూ.100 కోట్లు ఖర్చు చేసి మంత్రి అయ్యారు: ఎమ్మెల్యే మైనంపల్లి

Mynampally Fires on Minister Mallareddy : రాబోయే ఎన్నికల్లో బీఆర్​ఎస్ ఓటమే లక్ష్యంగా.. ఆరు గ్యారంటీలతో ప్రజల్లోకి వెళ్లబోతున్నామని ఎమ్మెల్యే మైనంపల్లి హన్మంతరావు అన్నారు. మల్కాజిగిరిలోని ఎమ్మెల్యే క్యాంపు కార్యాలయంలో జరిగిన సమావేశంలో పాల్గొన్న ఆయన.. మంత్రి మల్లారెడ్డిపై తీవ్ర స్థాయిలో విరుచుకుపడ్డారు. మల్లారెడ్డి.. మంత్రి పదవిలో ఉండి గల్లీ లీడర్​లా వ్యవహరిస్తున్నారన్నారు. మల్లారెడ్డి మంత్రి కాదు కబ్జాకోరని.. రూ.100 కోట్ల ఖర్చు చేసి మంత్రి అయ్యారని ఆరోపించారు. రూ.1000 కోట్లకు పడగలెత్తాడని.. ఆయన కాలేజీలు మొత్తం చెరువులో ఉన్నాయన్నారు. తనను మల్కాజిగిరిలో ఓడించేందుకు బీఆర్​స్ ప్రభుత్వం తీవ్రంగా శ్రమిస్తోందని.. ఎట్టి పరిస్థితుల్లోనూ గెలిచి తీరుతానని ఆశాభావం వ్యక్తం చేశారు.

Mynampally Fires on BRS : బీఆర్​ఎస్​ నేతలు డబ్బు కట్టలతో ఓట్లను కొనాలని చూస్తున్నారని మైనంపల్లి మండిపడ్డారు. భయంతో తన భద్రతా సిబ్బందితో పాటు పోలీస్ అధికారులనూ బదిలీ చేయించారని, ఎవరికి అభద్రతా భావం ఉందో చెప్పాలన్నారు. రాష్ట్రంలో ప్రజలు బీఆర్​ఎస్ పార్టీని నమ్మే స్థితిలో లేరని.. వారు ప్రవేశపెట్టే పథకాలన్నింటిలోనూ అవినీతి జరుగుతోందని ఆరోపించారు. ప్రభుత్వ పథకాలు కేవలం 30 శాతం కమీషన్​ల కోసమే ప్రవేశపెట్టారని తెలిపారు. గులాబీ పార్టీ పతనమే ధ్యేయంగా ఎన్నికల్లో ప్రచారం నిర్వహించబోతున్నామని స్పష్టం చేశారు.