ధోనీ వరల్డ్​ కప్​​ సిక్స్​కు స్పెషల్​ గుర్తింపు.. స్టేడియంలో స్మారక చిహ్నం.. మహీకి సత్కారం

మహేంద్ర సింగ్​ ధోనీ నేతృత్వంలో భారత జట్టు 2011 ప్రపంచ కప్ గెలుపొందింది. ఈ ప్రపంచ కప్ విజయానికి గుర్తుగా ముంబయి క్రికెట్‌ అసోసియేషన్‌ స్మారక చిహ్నాన్ని నిర్మించనుంది. ముంబయి వాంఖడే స్టేడియంలో జరిగిన ఫైనల్ మ్యాచ్‌లో ధోనీ సిక్స్‌ కొట్టి భారత్​ను గెలిపించాడు. అయితే ఆ సమయంలో.. ఎక్కడైతే బంతి పడిందో ఆ ప్రదేశంలో స్మారక చిహ్నాన్ని నిర్మించనున్నట్లు ఎస్​సీఏ తెలిపింది. దీని కోసం ముంబయి క్రికెట్‌ అసోసియేషన్‌ పెవిలియన్ స్టాండ్‌లోని జే282 నుంచి జే286 వరకు ఉన్న 5 కుర్చీలు తీసేసి అక్కడ స్మారక చిహ్నాన్ని నిర్మించనున్నట్లు వెల్లడించారు. శుక్రవారం వాంఖడే స్టేడియంలో ఎం​ఎస్​ ధోనీని ముంబయి క్రికెట్‌ అసోసియేషన్‌ ఘనంగా సత్కరించింది. శ్రీలంకతో జరిగిన ఫైనల్‌ మ్యాచ్‌లో దిగ్గజ ఆటగాడు మిస్టర్​ కూల్​ ధోనీ.. కులశేఖర బౌలింగ్‌లో సిక్స్‌ కొట్టి 28 ఏళ్ల తర్వాత భారత్‌కు ప్రపంచ కప్పు అందించాడు. దీంతో సొంత గడ్డపై ప్రపంచ కప్​ను ముద్దాడిన తొలి దేశంగా భారత్​ చరిత్రలో నిలిచింది.