బోధన్ ఎమ్మెల్యే నామినేషన్​కు స్కూటీపై వెళ్లిన ఎమ్మెల్సీ కవిత

MLC Kavitha Went On Scooty For Nomination : బోధన్​ బీఅర్​ఎస్ అభ్యర్థిగా షకీల్​ ఇవాళ నామినేషన్ దాఖలు చేశారు. ఈ సందర్భంగా నిర్వహించిన ర్యాలీలో ఎమ్మెల్సీ కవిత పాల్గొన్నారు. కాసేపు స్కూటీపై కవిత ప్రయాణించి కార్యకర్తల్లో జోష్ నింపారు. దీనికి సంబంధించిన వీడియోలు సోషల్​ మీడియాలో వైరల్​ అవుతున్నాయి. నామినేషన్ అనంతరం కవిత మాట్లాడారు. బోధన్​ నామినేషన్ ముందు నిర్వహించిన​ భారీ ర్యాలీ విజయయాత్రతో తప్పక గెలుస్తారని అన్నారు. రాష్ట్రంలో బీఆర్​ఎస్​ మూడోసారి అధికారం చేపడుతుందని ఆశాభావం వ్యక్తం చేశారు. కారు గుర్తుకు అందరూ ఓటు వేయాలని.. దక్షిణ భారతదేశంలో చరిత్ర సృష్టించారలని ప్రజలను కోరారు.

కాగా ఎమ్మెల్యే అభ్యర్థులు కొందరు రోడ్​షోలు నిర్వహించి.. తమ నామినేషన్లు వేస్తుంటే మరికొందరు బ్యాండ్​తో ప్రచారం చేస్తూ నామినేషన్​ దాఖలు చేస్తున్నారు. కొందరు తమ అనచరుతో నామపత్రాలు పంపిస్తున్నారు. నామినేషన్​ వేయడానికి వచ్చే ముందు కొందరు నేతలు పూజలు నిర్వహించి.. తమకు మద్దతుగా నిలిచే పార్టీ ముఖ్యనేతలను తమ వెంట తీసుకువస్తున్నారు.