మిర్యాలగూడలో మిషన్ భగీరథ ఫౌంటెన్..!

Mission Bhagiratha Pipeline burst: నల్లగొండ జిల్లా మిర్యాలగూడ మండలం అవంతిపురం వద్ద మిషన్ భగీరథ పైపు పగిలి కృష్ణా జలాలు వృధాగా పోతున్నాయి. మిర్యాలగూడ మండలంలోని అవంతిపురం వద్ద మిషన్ భగీరథ నీటి శుద్ధి కేంద్రం ఉంది. అక్కడి నుండి మిర్యాలగూడ, హుజూర్​నగర్ నియోజక వర్గాలకు కృష్ణా జలాలు సరఫరా అవుతాయి. ఈ క్రమంలో కోదాడ-జడ్చర్ల హైవే నిర్మాణ పనులు జరుగుతుండగా కాంట్రాక్టర్ నిర్లక్ష్యం కారణంగా అవంతిపురం వద్ద మిషన్ భగీరథ పైపు పగిలి నీరు ఫౌంటన్​గా ఎగజిమ్మాయి. సమాచారం అందుకున్న అధికారులు వెంటనే నీటి సరఫరాను నిలిపివేసి నీటి వృధాను అడ్డుకున్నారు.