Minister KTR Participate in BRS Booth Level Meeting : 'ఈ 30 రోజులు సెల్ఫీ కొట్టు.. ఓటు పట్టుతో సోషల్​ మీడియాలో దుమ్ము లేవాలి'

Minister KTR Participate in BRS Booth Level Meeting at LB Nagar : ఈ 30 రోజులు పాటు సోషల్​ మీడియాలో దుమ్ము లేపాలని.. తెలంగాణ రాక ముందు ప్రస్తుత తెలంగాణ సెల్ఫీలు తీసి ఓట్లను పట్టాలని బీఆర్​ఎస్​ కార్యనిర్వాహక అధ్యక్షుడు, మంత్రి కేటీఆర్​(KTR) అన్నారు. ఓటరును కలిసేటప్పుడు 2014లో ఎట్లున్న ఎల్బీనగర్​ 2023లో ఎట్లా ఉన్నదో ప్రజలకు వివరించాలన్నారు. ఆనాడు కరెంటు కష్టాలు ఎట్లా ఉండేవి.. ఇప్పుడు ఎలా ఉన్నాయో తెలపాలని పిలుపునిచ్చారు. కర్ణాటక రైతులు, పారిశ్రామిక వేత్తలు రోడెక్కి ధర్నాలు చేస్తున్నారన్నారు. ఆ రాష్ట్ర ప్రజలు కాంగ్రెస్​కు ఓటేసి మోసపోయామని గగ్గోలు పెడుతున్నారని వివరించారు. ఎల్బీ నగర్​ నియోజకవర్గంలోని జరిగిన బీఆర్​ఎస్​ నియోజకవర్గ బూత్​ కమిటీల విస్తృత స్థాయి సమావేశంలో ముఖ్య అతిథిగా హాజరైన మంత్రి కేటీఆర్​.. పార్టీ శ్రేణులకు సూచనలు చేశారు.

Telangana Assembly Election 2023 : అన్ని రంగాల్లో ఎల్బీనగర్​ దూసుకుపోతుందని.. ఐటీ కంపెనీలు రావాలంటే దమ్మున్న నాయకుల వల్లనే సాధ్యమంటూ తేల్చిచెప్పారు. 14 ఏళ్లు రాష్ట్రం కోసం పోరాటం చేసిన యోధుడు ఒకవైపు.. మిగతా పార్టీలు ఒకవైపు అంటూ.. ఎవరు ఉంటే హైదరాబాద్​ సురక్షితంగా ఉంటుదో ప్రజలకు తెలుసునని కేటీఆర్​ వివరించారు. మధుయాష్కీకి ఎల్బీనగర్​లో ఏ కాలనీ ఏ మూల ఉందో కూడా తెల్వదని ఎద్దేవా చేశారు. రాబోయే 30 రోజులు అంకిత భావంతో పని చేయాలని.. ప్రభుత్వ పథకాలు అన్నింటినీ ప్రతిఒక్కరికీ వివరించాలని కార్యకర్తలకు సూచించారు.