176 కేజీల 'కింగ్​' మేక.. రూ.12 లక్షలకు సేల్.. యజమానికి జాక్​పాట్​!

King Goat Indore : సాధారణంగా మేక ధర రూ.వేలల్లో ఉంటుంది. అలాగే దాని బరువు కూడా ఒక క్వింటాల్ లోపే. మధ్యప్రదేశ్​లో ఇందౌర్​లో 43 అంగుళాలు ఉన్న ఓ మేక మాత్రం 176 కిలోల బరువు ఉంది. ఈ మేకను అమ్మకానికి పెట్టగా రూ.12 లక్షలకు అమ్ముడుపోయింది. దీంతో ఒక్కసారిగా మేక ఇంత రేటా? అని ఆశ్చర్యపోయారు అక్కడి ప్రజలు.  

అసలేంటీ ఈ మేక కథ..  
సుహైల్​ అహ్మద్​ అనే వ్యక్తికి మేకల పెంపకం అంటే చాలా ఇష్టం. అతడు 8 నెలల కిందట రాజస్థాన్​లో ఓ మేకను కొనుగోలు చేశాడు. దానిని అల్లారుముద్దుగా పెంచాడు. ఆ మేకను బక్రీద్ సందర్భంగా అమ్మకానికి పెట్టగా భారీ ధర పలికింది. 'నేను పెంచుకున్న మేకకు ముద్దుగా 'కింగ్' అని పేరు పెట్టా. ఈ కోటా జాతికి చెందిన ఈ మేక బరువు దాదాపు 176 కిలోలు ఉంటుంది. రూ.12 లక్షలకు ముంబయికి చెందిన ఓ వ్యక్తి 'కింగ్'ను కొనుగోలు చేశాడు. మేక వేసవిలో వేడిగాలుల నుంచి తట్టుకునేందుకు రెండు కూలర్లు ఏర్పాటు చేశాను. దానికి ఎప్పటికప్పుడు వెటర్నరీ డాక్టర్​తో వైద్య పరీక్షలు చేయించేవాడ్ని. షెడ్​ ఏర్పాటు చేసి అందులోనే కింగ్​ను చాలా జాగ్రత్తగా చూసుకున్నాను. 8నెలల క్రితం రాజస్థాన్​లో 'కింగ్'ను కొనుగోలు చేశా. దానికి శనగలు, గోధుమలు, పాలు, ఖర్జూరం వంటి పదార్థాలను ఆహారంగా పెట్టాను' అని సుహైల్ అహ్మద్ తెలిపారు.