Harish Rao Latest Video : డ్రైనేజీలో చెత్తను చేతితో తీసిన హరీశ్ రావు

Harishrao on swachha telangana : 'నడకతో ఆరోగ్యం, చెత్త ఎరివేతతో స్వచ్ఛ పట్టణం' అంటూ మరో సంస్కరణకు సిద్ధిపేట మున్సిపాలిటీ శ్రీకారం చుట్టింది. ఈ మేరకు జిల్లాలో నిర్వహించిన చెత్త ఏరివేత కార్యక్రమంలో మంత్రి హరీశ్​రావు పాల్గొని నడుస్తూ చెత్త ఏరారు. "మన చెత్త- మన బాధ్యత" అంటూ ప్రచారం చేశారు. వ్యక్తిగత పరిశుభ్రతతో పాటు ప్రజలు పరిసరాల పరిశుభ్రత పాటించాలని.. స్వచ్ఛ తెలంగాణగా మారాలని కోరారు. చెత్త పెరుకుపోతే కలిగే అనర్థాలపై గృహిణీలకు అవగాహన కల్పించారు. మురికి కాల్వల్లో పేరుకుపోయిన ప్లాస్టిక్ కవర్లు, శానిటరీ చెత్తను మంత్రి హరీశ్​రావు స్వయంగా ఎత్తి సంచిలో వేశారు.

మరోవైపు ప్రతిరోజు యోగా చేస్తే రోజంతా ఉత్సాహంగా ఉంటామని.. మానసిక ఒత్తిడి తొలిగిపోయి జీవితకాలం పెరుగుతుందని మంత్రి హరీశ్ రావు అన్నారు. జిల్లాలోని ఓ పాఠశాలలో నిర్వహించిన ఆనంద యోగా క్యాంపు కార్యక్రమానికి హాజరై 100 మంది సాధకులకు మ్యాట్‌లు పంపిణీ చేశారు. అలాగే పట్టణంలోని వార్డు వారీగా 10 రోజులు ఉచిత యోగా శిబిరం నిర్వహిస్తున్నామని మంత్రి తెలిపారు.