లక్ష్మీపూజ స్పెషల్​- 24 క్యారెట్ల బంగారు మిఠాయిలు! ధరెంతో తెలిస్తే షాక్!

Gold Sweet in Gujarat : దీపావళి సందర్భంగా గుజరాత్​లోని ఓ స్వీట్ల దుకాణం.. 24 క్యారెట్ల బంగారు పూతతో మిఠాయిలను తయారు చేసింది. ఈ స్వీట్ల ధర కేజీ రూ.12వేలుగా నిర్ణయించింది. ఈ స్వీట్​ను ప్రత్యేకంగా లక్ష్మీ పూజలో ఉపయోగించేందుకు తయారు చేస్తున్నారు.  

రాజ్​కోట్​ జిల్లా ధోరాజీలోని గౌతమ్​ స్వీట్స్.. ప్రత్యేకంగా బంగారు పూతతో మిఠాయిలను తయారు చేసింది. ఈ స్వీట్స్​లో జీడిపప్పు, బాదం, పిస్తా, వాల్​నట్​, అంజీర వంటి ఐదు రకాల డ్రైఫ్రూట్స్​ను ఉపయోగించింది. దానిపై నుంచి తినగలిగే బంగారాన్ని పూత వేస్తారు. లక్ష్మీపూజ కోసం ఈ స్వీట్​ను వ్యాపారులు కొనుగోలు చేస్తున్నారని షాపు యజమాని చెబుతున్నారు. 'పూజలో ఉంచటం వల్ల లాభాలు కలుగుతాయని వ్యాపారుల నమ్మకం. అలానే ఒక కేజీ కొనలేని వారు లక్ష్మీ పూజ కోసం 250 గ్రాముల స్వీట్​ను కొనుగోలు చేయవచ్చు. బంగారు పూతతో చేసిన స్వీట్​ మెుదటి సారిగా ఇక్కడే తయారు చేశాం' అని స్వీట్​ షాపు యజమాని వీరభాయ్ వసానియా తెలిపారు.