CPI Leader Narayana on Congress Alliance : "మాకు కేటాయించిన స్థానాల్లో పోటీ చేస్తాం"

CPI Leader Narayana on Congress Alliance : రాష్ట్ర శాసనసభ ఎన్నికల్లో కాంగ్రెస్ పార్టీతో కలిసి పనిచేయడానికి ముందుకు సాగుతున్నట్లు సీపీఐ(cpi) జాతీయ కార్యదర్శి నారాయణ స్పష్టం చేశారు. పొత్తుల్లో భాగంగా ఇచ్చిన స్థానాల్లో పోటీ చేస్తామని అన్నారు. సీపీఐ జాతీయ నాయకులతో కాంగ్రెస్​ పార్టీ చర్చలు కొనసాగుతున్నాయని.. ఒక ఓసీ, ఒక బీసీ సీటుపై అవగాహన వచ్చిందని చెప్పారు. బీఆర్​ఎస్​(BRS)ను ఓడించడమే లక్ష్యంగా ముందుకు సాగుతున్నామన్నారు. లిక్కర్ స్కామ్‌లో మనీష్ సిసోదియాను మాత్రమే జైల్లో పెట్టారని.. ఇప్పటివరకు ఎమ్మెల్సీ కవితను ఎందుకు అరెస్ట్ చేయలేదని ఆయన ప్రశ్నించారు. 

CPI Leader Narayana Comments on BJP : బీఆర్ఎస్​పై పోరాడుతున్న బండి సంజయ్​ని అన్యాయంగా పదవి నుంచి తొలగించారని.. కవితను అరెస్ట్ చేస్తామని ఒంటి కాలిపై లేచిన బండి సంజయ్ కాలు తెగ్గొట్టారని ఆయన వ్యంగంగా అన్నారు. బండి సంజయ్​ని ఎందుకు బాధ్యతల నుంచి తొలగించారో సమాధానం చెప్పాలని నారాయణ డిమాండ్ చేశారు. బీజేపీకి అనుకూలంగా ఉన్నందునే అవినాష్​​ రెడ్డి బయట ఉన్నారని ఆయన ఆరోపించారు. కేసీఆర్ వైఫల్యం వల్లనే మేడిగడ్డ ప్రాజెక్ట్(Medigadda Project) కుంగిందని ఆరోపించారు. ఈ ప్రాజెక్టు కుంగిన ప్రాంతంతో పాటుమిడ్ మానేరుపై నిర్మించిన కేబుల్ బ్రిడ్జిని సీపీఐ ప్రతినిధి బృందం గురువారం పరిశీలించి భవిష్యత్తు కార్యాచరణ ప్రకటించనున్నట్లు ఆయన వెల్లడించారు.