ఇలాంటి డ్రెస్ వేసుకున్నందుకు రూ.లక్షలు బహుమతి- ఎందుకో తెలుసా?

Comic Con 2023 Bangalore : సాధారణ వ్యక్తులు.. సూపర్​ హీరోల్లా మారిపోయారు. సినిమాలు, కామిక్ బుక్స్​, వీడియో గేమ్స్​లోని తమకు ఇష్టమైన క్యారెక్టర్స్​లా చిత్రవిచిత్రమైన డ్రెస్​లు వేసుకుని రోజంతా మురిసిపోయారు. కామిక్ ప్రియులంతా ఇలా ఒకే చోట చేరి, తమలోని సృజనాత్మకతను బయటపెట్టుకునేందుకు వేదికైంది బెంగళూరు కామిక్ కాన్. వైట్​ఫీల్డ్​లోని కేటీపీఓ ట్రేడ్​ సెంటర్​లో 3 రోజుల పాటు సాగిన ఈ కార్యక్రమానికి వందలాది మంది కాస్ ​ప్లేయర్లు హాజరయ్యారు. బ్యాట్​మ్యాన్, వండర్​ ఉమన్, మారియో వంటి పాత్రల వేషధారణలో సందడి చేశారు. వివిధ విభాగాల్లో సత్తా చాటి.. 'కామిక్ కాన్ ఇండియా' సంస్థ ఇచ్చే లక్షల రూపాయల నగదు బహుమతుల్ని సొంతం చేసుకునేందుకు పోటీపడ్డారు. ఈ సూపర్ హీరోల కాస్ట్యూమ్స్​ అన్నింటినీ.. అభిమానులే సొంతంగా తయారు చేసుకోవడం విశేషం. ఇందుకోసం తాము 3-4 నెలలు కష్టపడి, అనేక వేల రూపాయల ఖర్చు చేశామని కొందరు కామిక్ ఫ్యాన్స్ చెప్పారు.