కుప్పకూలిన ఐరన్​ బ్రిడ్జ్.. మధ్యలో ఇరుక్కుపోయిన లారీ

బిహార్​లో దర్భంగా జిల్లాలో ఓ ఐరన్​ బ్రిడ్జ్ ఒక్కసారిగా​ కుప్పకూలింది. కమ్లా నదిపై ఉన్న ఇనుప వంతెనపై ఓ లారీ లోడ్​తో వెళ్తుండగా ఈ ఘటన జరిగింది. ఒక్కసారిగా వంతెన రెండుగా చీలిపోగా లారీ బ్రిడ్జ్​పై ఇరుక్కుపోయింది. వెంటనే అప్రమత్తమైన లారీ డ్రైవర్ నీటిలోకి దూకి సురక్షితంగా బయటపడ్డాడు. సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. గ్రామస్థుల సాయంతో లారీని బయటకు తీసే ప్రయత్నాలు చేపట్టారు. ఈ ఘటనలో ఎలాంటి ప్రాణ, ఆస్తి నష్టం జరగలేదని పోలీసులు వెల్లడించారు. దాదాపు 10 గ్రామాలను కలిపే ఈ వంతెన తెగిపోవడం వల్ల ప్రజల రాకపోకలకు తీవ్ర అంతరాయం ఏర్పడింది. దీంతో స్థానికులు వంతెన నిర్మించిన కాంట్రాక్టర్​పై ఆగ్రహం వ్యక్తం చేస్తున్నారు.