ఒకేసారి వికసించిన రెండు బ్రహ్మ కమలాలు - చూసేందుకు ఆసక్తి చూపిన ప్రజలు

Blooming Brahma Lotus In Nizamabad : నిజామాబాద్ జిల్లా కేంద్రంలోని గాయత్రి నగర్ ప్రాంతంలో అరుదైన బ్రహ్మ కమలాలు పూసాయి. గాయత్రి నగర్​లో నివాసం ఉంటున్న బొడ్డు శ్రీనివాస్, రమ దంపతుల ఇంట్లో పెంచుకున్న చెట్టుకు ఒకే సారి రెండు బ్రహ్మ కమలాలు వికసించడం పట్ల ఆనందం వ్యక్తం చేశారు. వికసించిన కొద్ది గంటల్లోనే ముడుచుకుపోవటం ఈ బ్రహ్మ కమలం ప్రత్యేకత. శివుడికి ఎంతో ఇష్టమైన ఈ బ్రహ్మ కమలాలు శివుని అనుగ్రహంతోనే వికసిస్తాయనే నమ్మకంతో వాటికి ప్రత్యేక పూజలు నిర్వహించారు. కాలనీలోని ప్రజలందరూ ఈ బ్రహ్మ కమలాలను ఆసక్తిగా వీక్షించారు.

Brahma Lotus : బద్రీనాథ్​ పుణ్యక్షేత్రంలో విష్ణువు, కేదార్​నాథ్​​ ఆలయంలో శివునికి భక్తులు ఎంతో భక్తి శ్రద్ధలతో ఈ బ్రహ్మ కమలాలను సమర్పిస్తారు. భారతీయ సంప్రదాయంలో బ్రహ్మ కమలాన్ని ఇంటికి అదృష్టం, శ్రేయస్సును తెస్తుందని నమ్ముతారు. ఈ మొక్కను ఇంట్లో ఉంచడం వల్ల ప్రతికూల శక్తులు దూరం అవుతాయని భక్తుల విశ్వాసం. బ్రహ్మ కమలాన్ని హిందూ మతంలో ముఖ్యమైన ఆధ్యాత్మికత కల్గిన ఈ పుష్పానికి కోరికలు తీర్చే శక్తి ఉందని నమ్ముతారు.