Allu Arjun in Nalgonda : నల్గొండ జిల్లాలో అల్లుఅర్జున్ సందడి.. గజమాలతో గ్రాండ్ వెల్​కమ్​ చెప్పిన ఫ్యాన్స్​

Allu Arjun at Kothagudem : ఐకాన్​ స్టార్​ అల్లు అర్జున్​ నేడు నల్గొండ జిల్లాలో సందడి చేశారు. తన మామయ్య, బీఆర్​ఎస్​ నేత కంచర్ల చంద్రశేఖర్​ రెడ్డి నూతనంగా నిర్మించిన ఓ ఫంక్షన్​ హాల్​ ప్రారంభోత్సవానికి బన్నీ.. తన భార్య, పిల్లలతో కలిసి హాజరయ్యారు. జిల్లాలోని పెద్దవూర మండలం కొత్తగూడెంలో ఈ ప్రారంభోత్సవ కార్యక్రమం జరగగా.. విషయం తెలుసుకున్న అల్లు అర్జున్​ ఫ్యాన్స్​ పెద్ద సంఖ్యలో అక్కడికి చేరుకున్నారు. కొందరు అభిమానులు గజమాలతో ఆయనను సన్మానించారు. తమ అభిమాన నటుడిని చూసేందుకు అభిమానులు పోటీపడగా.. కాసేపు అక్కడ తోపులాట జరిగింది. ఆ సమయంలో బన్నీ వ్యక్తిగత భద్రతా సిబ్బంది వారిని నియంత్రించలేకపోయారు. అనంతరం అల్లుఅర్జున్​.. అభిమానులకు అభివాదం చేస్తూ అందరికీ కృతజ్ఞతలు తెలిపారు. ప్రారంభోత్సవ అనంతరం అక్కడి నుంచి వెళ్లిపోయారు. కార్యక్రమంలో మాట్లాడిన కంచర్ల చంద్రశేఖర్ ​రెడ్డి.. నాగార్జున సాగర్​ నియోజకవర్గ అభివృద్ధికి తన వంతు కృషి చేస్తానని పేర్కొన్నారు.