Samantha: హీరోయిన్ సమంతకు గుడి కడుతున్న అభిమాని.. ఎక్కడంటే..?

Temple For Samantha :  సినీనటి సమంతపై అభిమానంతో ఆమెకు గుడి కట్టాడు ఓ అభిమాని. బాపట్ల జిల్లా చుండూరు మండలం అలపాడుకు చెందిన సందీప్​కు సమంత అంటే పిచ్చి అభిమానం. ఆమె నటనతో పాటు సేవా కార్యక్రమాలకు సందీప్ పెద్ద ఫ్యాన్. ముఖ్యంగా ప్రత్యూష ఫౌండేషన్ ద్వారా చిన్నారులకు గుండె ఆపరేషన్లు చేయించటంలో సమంత చూపిన చొరవ సందీప్​ని ఆకట్టుకుంది. అనారోగ్యం పాలైన చిన్న పిల్లలకు పునర్జన్మ ప్రసాదిస్తున్న సమంతపై అభిమానం రెట్టింపైంది. దీంతో ఆమెకు గుడి కట్టాలని నిర్ణయించాడు. తన ఇంటి ప్రాంగణంలో చిన్నపాటి గుడి కట్టిస్తున్నాడు. విగ్రహాన్ని కూడా తయారు చేయించాడు. ప్రస్తుతం విగ్రహానికి, గుడికి తుది మెరుగులు దిద్దే పనులు జరుగుతున్నాయి. ఈ నెల 28వ తేదీన ఆలయం ప్రారంభిస్తున్నట్లు సందీప్ తెలిపారు. ఇప్పటి వరకూ సమంతను నేరుగా చూడలేదని, కేవలం ఆమెపై అభిమానంతోనే ఈ గుడి కట్టినట్లు సందీప్ చెప్పారు.

ఇవీ చదవండి :