సముద్రంలో గుడ్డు కోసం ఈతగాళ్ల వేట

అమెరికాలో ఈస్టర్‌ను పురస్కరించుకుని సముద్ర ఈతగాళ్లకు వినూత్న పోటీని నిర్వహించారు. ఫ్లోరిడాలోని కీస్ మెరైన్‌ పార్కు ఈ పోటీలకు వేదికగా నిలిచింది. సముద్ర గర్భంలో దాచి ఉంచిన గుడ్లను కనిపెట్టడమే ఈ పోటీ. పగడపు దిబ్బలకు నిలయమైన ఈ మెరైన్ పార్కులో రంగు రంగుల గుడ్లను నిర్వాహకులు దాచి పెట్టారు. ఇలా దాచిన గుడ్లను ఎవరు ఎక్కువగా బయటకు తెస్తారో వారే విజేతగా. పోటీల్లో గెలిచిన వారికి ఇచ్చే డబ్బును అమెరికాలో చిన్నారుల సంక్షేమం కోసం వినియోగించనున్నారు. ఈ పోటీల్లో ప్రముఖ ఈతగాళ్లు ఉత్సాహంగా పాల్గొన్నారు.