వైరల్​: ఆకాశంలో గిరగిరా తిరిగిన మహిళ

అమెరికా ఫీనిక్స్​ అగ్నిమాపక విభాగం అధికారులకు అనుకోని ఘటన ఎదురైంది. ఫీనిక్స్ పర్వతంపైకి వెళ్లిన 74 ఏళ్ల వృద్ధురాలు గాయపడినట్లు సమాచారం అందింది. ఆమెను రక్షించేందుకు హెలికాప్టర్​లో వెళ్లారు. స్ట్రెచర్​లో ఎక్కించారు. వృద్ధురాలిని హెలికాప్టర్​లోకి ఎక్కిస్తున్న క్రమంలో స్ట్రెచర్ వేగంగా తిరగటం ప్రారంభించింది. గిరగిరా తిరిగే సరికి అధికారులు స్ట్రెచర్​ను కొంత మేర కిందకు దించారు. కొంత దూరం వరకూ అలాగే తీసుకెళ్లారు. తిరగటం ఆగాక హెలికాప్టర్​లోకి వృద్ధురాలిని క్షేమంగా ఎక్కించారు. అక్కడి నుంచి ఆసుపత్రికి తరలించారు. ఇప్పుడా దృశ్యాలు వైరల్​ అవుతున్నాయి.