విద్యుత్ కాంతుల్లో చైనా స్ప్రింగ్​ ఫెస్టివల్​ అదరహో!

కొవిడ్ నిబంధనల నడుమ స్ప్రింగ్​ ఫెస్టివల్​ను జరుపుకోవడానికి చైనా ప్రజలు సన్నాహాలు చేస్తున్నారు. అత్యంత ప్రతిష్ఠాత్మకంగా భావించే ఈ పండగను ఫిబ్రవరి 12న జరపనున్నారు. ఆ దేశమంతటా దుకాణాలు, మార్కెట్​లలో పండగ వాతావరణం కన్పిస్తోంది. ప్రత్యేక వంటకాలు, రంగురంగుల డిజైన్​లను దుకాణ యజమానులు సిద్ధం చేస్తున్నారు. జిజియాంగ్​ రాష్ట్రం హాంగ్జౌ నగరంలోని క్వింటాంగ్​ నది ఒడ్డున ఏర్పాటు చేసిన విద్యుత్​ కాంతులు ప్రేక్షకులను ఆశ్చర్యానికి గురిచేస్తున్నాయి. దేశమంతటా ఆహార సరఫరాలు ఉండేవిధంగా అధికార యంత్రాంగం సిద్ధం చేస్తోంది. బీజింగ్​లో ఆన్​లైన్​ ఫ్లాట్​ఫామ్​ ద్వారా నిత్యవసర వస్తువుల సరఫరా చేస్తున్నారు. వుహాన్​ రెస్టారెంట్స్​లలో ప్రజలు గుమికూడకుండ యజమానులు జాగ్రత్తలు తీసుకుంటున్నారు. ఈ పండగకు ప్రజలు తమ సొంత గ్రామాలకు రాకుండా ప్రభుత్వం జాగ్రత్తలు తీసుకుంటోంది. ఉన్నచోటనే పండగ జరుపుకునేలా ప్రోత్సహిస్తోంది.